Dekriminalizimi prek deputetin
e parë, Selami në prokurori
Deputeti:Sulme politike, jam i pastër!
Prokuroria: Verifikojmë dënimin në Itali
PDF/Formulari i vetëdeklarimit i Selamit

TIRANE-Deputeti i qarkut të Vlorës Shkëlqim Selami është i pari ligjvënës që rrezikon mandatin nga efektet e ligjit të dekriminalizimit. Prokuroria e Përgjithshme ka nisur një hetim ndaj Selamit për deklarim të rremë, ndërsa këtë të martë ai ka deponuar për afro 25 minuta para hetuesve të strukturës së dekriminalizimit.

Vetë Selami e cilëson këtë hetim si një sulm politik, ndërsa sipas të dhënave të Prokurorisë ka dokumente që faktojnë se ai ka qenë i proceduar për trafik të qënieve njerëzore nga dhe ku është dënuar në Brindizi, Itali.

Këtë të martë Shkëlqim Selami, deputet në qarkun e Vlorës për afro 25 minuta ka dhënë shpjegime në Prokurorinë e Përgjithshme mbi statusin e personit ndaj të cilit ka nisur një procedim penal për verifikimin e të dhënave për efekt dekriminalizimi.

Burime nga seksioni i Dekriminalizimit në Prokurorinë e Përgjithshme thanë për Report Tv se procedimi ka nisur kryesisht nga materialet e publikuara në media ndërsa kjo zyrë disponon po ashtu të dhëna shtetë në lidhje me statusin që Selami ka në raport me drejtësinë në Itali.

Sipas burimeve për Report Tv procedimi për Selamin është regjistruar 4 ditë më parë ndërsa ai dëshmoi rreth 25 minuta në Prokurori mbi mosdeklarimin e një dënimi të formës së prerë në Itali.

Ky procedim sipas burimeve është regjistruar javën e shkuar ndërsa Selami para hetuesve mësohet ti ketë qëndruar versionit të plotësuar prej tij duke mohuar të ketë dijeni për një dënim nga drejtësia italiane.

Sipas të dhënave të seksionit të dekriminalizimit rezulton se ndaj Selamit ka një procedim penal nga prokuroria e Brindizit në vitin 2007 dhe ky procedim lidhet me veprën penale të trafikut të qënieve njerzore.

Selami: Mashtrime! Jam i pastër, në Itali isha me pushime
“Nuk kam asgjë për të fshehur dhe e shkuara ime është e pastër”, kështu deklaroi deputeti I LSI Shkëlqim Selami, i cili këtë të martë ishte në prokurori për të dëshmuar për të shkuarën e tij. Pas deklaratave të PD se deputeti i maxhorancës ka fshehur të dhënat në formularin e dekriminalizimit ku sipas opozitës deputeti rezulton të jetë dënuar për trafik të qenieve njerëzore, KQZ e më pas prokuroria është vënë në lëvizje. Kështu deputeti i Vlorës ka dhënë shpjegime pranë organit të akuzës ndërsa mohon të ketë lidhje me vepra të tilla kriminale.

Selami thotë se në prokuroria sipas tij i kërkoi të sqaronte akuzat politike.

“Isha në prokurori per te sqaruar pozicionin tim. Eshtë mashtrim. Nuk jam dënuar asnjëherë. Në 2007, isha me pushime në Itali, më ndaluan për konfirmim. Si mund të shkoja me pushime në një vend ku pretentohet se paskam qenë dënuar? S’kam pasur asnjëherë proçes gjyqësor, gjithçka e kam deklaruar në formularin e Dekriminalizimit. Prokuroria më thirri pas indicjes nga KQZ, që në fakt e kishte deklaratën të qartë, por duheshin sqaruar akuzat politike. Jam krejtësisht i pastër ndryshe si mund të merresha me politikë?”



Por si janë pasqyruar këto të dhëna në formularin e vetëdeklarimit për Selamin?

(Ne rreth pergjigjet e deputetit mbi pyetjen e hetimit, ndalimit e gjykimit)

Siç dhe shihni në faqen katër të këtij formulari vetë Selami pranon se në vitin 2007 është ndaluar nga policia e Brindizit, duke plotësuar më pas dhe arsyen për Verifikim dhe rezultatin se është liruar, por pa dhënë se çfarë i është verifikuar.

Në të njëjtën periudhë, vitin 2007, Selami deklaron se është proceduar penalisht për një vepër penale pa e saktësuar se çfarë nga autoritetet e drejtësisë në Brindizi, por si përfundim të këtij procedimi deputeti deklaron pafajësinë.

Është pikërisht ky moment për të cilin seksioni i dekriminalizimin po kryen verifikime dhe hetime pasi sipas tyre dhe pse nuk konfirmohet zyrtarisht z.Shkëlqim Selami ka qenë i dënuar.
Në formular bie në sy pergjigja negative e deputetit nëse ka pasur dënim të formës së prerë.

Detaj/Selami ka ndërruar mbiemër
Një tjetër detaj nga formulari i z.Selami që bëhet publik për herë të parë është dhe ndryshimi i mbiemrit të tij, i cili më parë ka qenë Selamemini dhe jo Selami.

[gallery]20218[/gallery]


(Formulari i vetëdeklarimit të deputetit Selami)

TAG:
• kqz