Vlorë-Forcat e Armatosura kanë evakuar 17 familje që rrezikohen nga përmbytja e lumit Vjosa në Vlorë. Burime për Report Tv tregojnë se dalja e Vjosës është e ngjashme me situatën e dhjetorit, deri tani 7 banesa janë nën ujë. Banorët e fshatrave Novoselë, Fitore, Bishan kanë nisur evakuimin dhe largimin e gjësë së gjallë për të shmangur pasojat.

 

[gallery]25481[/gallery]

Prefekti i Vlorës ka shpjeguar se prurjet e Vjosës janë të ngjashme me ato të përmbytjes së dhjetorit, ndërkohë shtabi i emergjencave po monitoron situatën nga afër që prej mbrëmjes së djeshme. Brenda 1 ore niveli i lumit është rritur me 1 metro, nëse uji vazhdon të rritet edhe 90 centimetra atëherë mund të ketë përmbytje masive të zonave pranë Vjosës.

Situata paraqitet problematike edhe në Jagodinë, ku përmbytjet janë masive. Ndërkaq disa fshatra janë pa energji elektrike. Edhe qarkullimi në segmentin Librazhd-Përrenjas ka patur probleme nga rënia e gurëve nga shpatet e kodrave.

Redaksia Online
Xh.F/Shqiptarja.com