POP 5

Lajmet më të lexuara të 5 minutave të fundit

Politikë

Delegacioni i BE-së: Liderët të mos nxisin dhunë, të krijohet një platformë për dialog

Delegacioni i Bashkimit Europian në Tiranë i ka bërë thirrje liderëve politikë që të tregojnë përgjegjësi për të parandaluar përshkëllëzimin e dhunës gjatë protestës.  

Delegacioni i BE-së: Liderët të mos nxisin dhunë, të krijohet një platformë për dialog

Lidhur me protestën e nesërme të opozitës ka reaguar edhe delegacioni i Bashkimit Europian në Tiranë. Ajo i ka bërë thirrje liderëve politikë që të tregojnë përgjegjësi për të parandaluar përshkëllëzimin e dhunës gjatë protestës. Në deklaratën e tyre thuhet se se mbështesin atta që janë të angazhuar në Parlament për procesin demokratik të vendit dhe për të mbrojtur interesat e popullisë shqiptare e cila dëshiron të ecë drejt BE-së.

Gjthashtu në njoftim thuhet se situata politike ka një nevojë urgjente të kapërcehet duke krijuar një platformë kombëtare për dialog ndërmjet të gjitha palëve të interesuara.

"Në prag të protestës së 16 marsit, Delegacioni i Bashkimit Evropian në Tiranë rithekson rëndësinë e të drejtës themelore të të gjithë qytetarëve shqiptarë për të demonstruar. Kjo e drejtë është një shtyllë qendrore në çdo shoqëri demokratike, por duhet ushtruar në mënyrë paqësore, pa përdorur dhunën. Asnjë formë e nxitjes së dhunës nuk është e tolerueshme. Ne u bëjmë thirrje edhe një herë të gjithë liderëve të partive që të tregojnë përgjegjësi për të shmangur çdo përshkallëzim gjatë protestave.

Ashtu siç kemi deklaruar edhe më parë, konsiderojmë se vendimi për heqjen dorë nga mandatet parlamentare pengon seriozisht funksionimin e demokracisë në Shqipëri dhe ndikon në integrimin e vendit në BE – një perspektivë që e duan plotësisht 93% e qytetarëve shqiptarë. Ne vazhdojmë të mbështesim ata që janë të angazhuar në procesin demokratik në Parlament, gjithashtu në mbrojtjen e interesave të popullsisë shqiptare që dëshiron të vazhdojë të ecë drejt BE-së. Që prej qershorit të kaluar është bërë progres, veçanërisht në reformën në drejtësi, si dhe në luftën kundër krimit të organizuar, por ka ende shumë punë për të bërë në tre muajt e ardhshëm.

Tani është shumë urgjente që të kapërcehet situata politike aktuale duke krijuar një platformë kombëtare për dialog ndërmjet të gjitha palëve të interesuara, edhe duke pasur parasysh zgjedhjet e ardhshme lokale të qershorit. Shqipëria ka nevojë për një dialog ndërpartiak për reformat më urgjente, duke përfshirë reformimin e kuadrit ligjor zgjedhor në përputhje me rekomandimet e OSBE / ODIHR-it", shkruhet në njoftimin e BE.

Njoftimi i delegacionit të BE vjen vetëm pak pas deklaratës së SHBA-së e cila i bëri thirrje deputetëve që kanë hequr dorë nga përjegjësia e tyre nga zgjeedhësve që të lënë pjesën tjetër të bëjnë punën e tyre.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • xreport: 15/03/2019 13:36

    jo dialog.... opozita e re eshte ne parlament

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46