Para disa ditësh në Lumin Ishëm u gjet një delfin i ngordhur.
 
Ai kishte udhëtuar 20 km nëpër ujërat e tejndotura të këtij lumi dhe më në fund nuk kishte mundur ti rezistojë helmeve dhe papastërtive të këtij lumi, keshtu që dha shpirt në mes të këtij ambieni skandaloz.
 
Sapo u dha në media, ministria e bujqësisë reagoi duke thënë që janë dërguar njerëz për ta groposur delfinin e ngordhur. 
 
Por megjithëse kanë kaluar kaq ditë, asnjeri nuk është marrë me këtë punë dhe delfini ndodhet në të njëjtin vend ku u gjet nga banoret madje trupi i tij ka filluar dekompozimin dhe ka filluar të konsumohet nga kafshë e shpend të ndryshëm, gje kjo që përbën edhe rrezik për përhapjen e epidemive.
 
 Redaksia Online
(F.T/shqiptarja.com)