Periudha e errët e komunizmit u bë kryefjala e ditëve të fundit ku ish presidenti Ilir Meta figuronte si bashkëpunëtor i ish sigurimit të shtetit. Gjithë kjo ‘rrëmujë’ sipas analistit Ilir Demalia i cili ishte i ftuar sot në Studio Live në Report Tv me gazetarin Arbër Hitaj, ndodh sepse shoqëria shqiptare ende nuk e ka bërë ndarjen me regjimin e kaluar.
Sipas tij, gjithë rinia që ndjek Ilir Metën as nuk e kupton se çfarë do të thotë të kesh qenë ish bashkëpunëtor i sigurimit të shtetit.
‘Kjo ka ndodhur sepse shoqëria shqiptare nuk kanë bërë një ndarjen me regjimin e kaluar. Kjo tregon që pas 30 vjetësh ne akoma merremi dhe kërcënojmë me shërbimet e shtetit. Tashmë është jashtë konteksti dhe zhvillimi të kohës, por brezi i ri, nuk e kupton fare ata që i shkojnë fare Ilir Metës as e kuptojnë fare ça do të thotë të jesh ish bashkëpunëtor i sigurimit të shtetit.’- tha analisti.
Analisti foli edhe me gjerë për këtë tematikë ku sipas tij, njerëz mjaft të njohur me karrierë politike, mediatike por edhe drejtuesi i SPAK-t, Arben Kraja ka qenë pjesë e atij regjimi dhe kanë përftuar nga ky regjim për të fshehur pisllëqet e tyre të cilat janë shtuar edhe më shumë gjatë demokracisë.
‘Për njerëz publik që kanë karrierë politike por edhe mediaktike se sa drejtues ke që drejtojnë media... Po i përmend me emra, Remzi Lane me pseudonimin Holta, ka drejtuar gjithë fondet e medias. Duke qenë me detyrë, që në dhjetor në 90’ si ata që krijuan pluralizmin deri te bualli i demokracisë, Hajdarin e duke vazhduar me Berishën e Preç Zogajn etj etj që janë aty. Hynë për të ndërtuar një pluralizëm, me Sabri Godo(...) e kemi edhe monument ne këtë... Ne u bëjmë monumente spiunëve, hajdutëve, cubave. Ne jemi në gjendje kot, kjo nuk është shoqëri.
‘Ti ke Arben Krajën ish hetues i regjimit komunist i cili ka dënuar njerëz në 90 për propagandë sot në krye të SPAK, e kupton se ça bëhet? Si bëhet ndarja? Është e njëjta mendësi, njerëz që mundohen të mbulojnë pisllëqet e tyre të cilat i kanë shtuar në demokraci. Mua nuk më intereson dosja e Ilir Metës, mua më duhet korrupsioni i Ilir Metës në kohën e demokracisë.’ – tha Demaliaj.
Teksa u pyet nga gazetari për praninë e emrit të Ilir Metës në këto dosje, analisti u shpreh se e vetmja gjë që duhej të bënte ky i fundit duhej thjesht t’i drejtohej autoriteteve jo të merret me replika.
‘Meta edhe sot ka nostalgji për regjimin komunist dekoroi një sërë shkrimtarësh, autorësh të regjimit, si ata nacional komunistët. Duhet sqaruar çështja. Meta për të pastruar veten nuk ka nevojë të bëjë as retorika, as të paguajë gazetarë analist, Meta e Rama apo Berisha… Se këtu ka një korrupsion shumë të madh edhe të medias. Meta duhet të bëjë kërkesën autoritetit të dosjes dhe pastaj të deligjitimizojë autoritetit. Pse ka frikë ti çojë një kërkesë autoritetit të dosjeve? Pse i trembet Meta autoritetit? Këto gjëra janë përdorur në formë shantazhesh, në 96 i përdori Berisha për të eliminuar kundërshtarët e vet, Skënder Gjinushin bilës dhe nja dy nga opozita... Ti ke akoma njerëz në parlament që janë bashkëpunëtor të sigurimit të shtetit.’- tha Demaliaj.
Report Tv siguroi dokumentin ekskluziv të Autoritetit të Dosjeve që zbulon se Ilir Meta është politikani i lartë i Shtetit që përmendet në dosjen e Autoritetit për Informim mbi Dosjet e Sigurimit të Shtetit. Në dokumentin e ekskluziv të Autoritetit të Dosjeve të siguruar nga Report Tv thuhet se ish-presidenti Meta rezulton bashkëpunëtor i Sigurimit të shtetit dhe nëse verifikimi i Metës do të bëhej sot certifikata e pastërtisë së tij do të ishte ndryshe. Autoriteti i Dosjeve i kërkon Kuvendit të Shqipërisë që të verifikohen politikanët që dolën në të pastër në Komisionet në vitet '90. Autoriteti i Dosjeve, me qëllim që situata të tilla të mos përsëriten më, kërkojnë miratimin e propozimit për disa ndryshime në Kodin Zgjedhor të Shqipërisë.
Personi i cili dyshohet se është spiunuar nga ish-Presidenti, ish-Kryeministri dhe ish kryetari i Kuvendit të Shqipërisë në Sigurimin e Shtetit në komunizëm është Filip Talo. Report Tv mësoi gjithashtu se ai ka qenë shok në fakultet me Ilir Metën. Sipas një denoncimi të mbërritur në Autoritetin e Dosjeve Filip Talo është spiunuar nga I. M për një tentativë për arratisje në kohën e komunizmit. Ndërkohë, ish-presidenti e mohon të jetë ai personi që përmendet në shkresën e Autoritetit të Dosjeve, me pretendimin se ka disa persona me emrin Ilir Meta.
Megjithatë, Report Tv disponon gjithashtu dokumente që vërtetojnë se ish presidenti Ilir Meta ka përdorur dy mbiemra për të fshehur të shkuarën e tij në ish Sigurimin e Shtetit
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Studio Live/ 'Adoleshentët po bëhen hallka më e dobët në shoqërinë shqiptare', Gëzim Tushi: Krimet që kryen kjo moshë po rriten! Mehmeti: Kanë zëvendësuar stilolapsin me thikën
22 Nëntor, 19:55 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35
