Ministria e Financave ka publikuar listën me ish të përndjekurit politik, që kanë gati këstin e dytë por kanë mangësi në dokumentacion. Janë 276 trashëgimtarë të cilët nuk e kanë plotësuar dosjen me të gjitha dokumentat, prandaj lekët e këstit të dytë nuk mund të lëvrohen. Kryesisht mungon numri aktiv i llogarisë bankare, prandaj nevijtet që të hapet një numër i ri llogarie bankare.
Procedura për trashëgimtarët
Pagesa do të kryhet për të gjithë trashëgimtarët e ish të dënuarit politik. Trashëgimtarët duhet të dorëzojnë dokumentet e kërkuara sipas dispozitave ligjore në fuqi. Të gjithë trashëgimtarët e ish të dënuarit duhet të sigurohen pranë bankës në të cilën kanë hapur llogarinë, që llogaria e tyre është aktive. Në rast se llogaria nuk është aktive, shuma e dëmshpërblimit kthehet mbrapsht në buxhet duke sjellë vonesa dhe ndërlikime të panevojshme. Kur kemi ndryshim të identitetit, Emër/Mbiemër, apo në rastet kur në certifikatë ndryshon emri ose mbiemri, qoftë edhe me një gërmë të vetme në krahasim me dëshminë e trashëgimisë apo prokurës, kartës së identitetit dhe çdo dokumenti tjetër të nevojshëm, duhet medoemos që në të gjitha dokumentet emrat të jenë të njëjtë me atë që është shkruar në certifikatën e lëshuar nga gjendja civile. Në raste se ka transkriptime të gabuara gjatë kohës nga një certifikatë e një periudhe të caktuar, atëherë këto ndryshime duhet të pasqyrohen brenda formatit të certifikatës apo edhe të një vërtetimi të veçantë të lëshuar nga zyra e gjendjes civile. Në rastet e ekzekutimeve kapitale pa gjyq, është i domosdoshëm një vendim fakti gjykate që vërteton vdekjen, plus një certifikatë negative të lëshuar nga zyra e gjendjes civile. Në rastet kur për arsye të njohura në gjendjen civile nuk ekzistojnë dokumente të periudhës përkatëse dhe ky fakt vërtetohet nga gjendja civile, i interesuari është i detyruar të bëj një gjyq fakti, të cilin edhe në këtë rast si në pikën më lart, duhet ta shoqërojë me një certifikatë negative.
( Kliko këtu ) për listën e plotë me emrat
Lajme të tjera
-
S’ka vend për varre, Bashkia Durrës privatizon tokën pa dëmshpërblim! Përgjigja për Report Tv: Asnjë pronar nuk u interesua
19 Tetor 2021, 16:46
-
Pësuan dëmtime në banesa nga zjarri ose përmbytjet, Bashkia Tiranë miraton dëmshpërblimin për 24 familje
4 Korrik 2021, 11:51 -
Prej 2 javësh 4 ish të përndjekur politikë të ngujuar në Qafë-Bari! Flet për Report Tv kreu i shoqatës: Berisha na mashtroi, negociojmë me qeverinë 'Rama' (VIDEO)
3 Maj 2021, 16:40 -
Përmbytjet, fermerët e Lezhës kërkojnë dëmshpërblim
13 Mars 2021, 22:42 -
Lista me 107 emrat që kanë fituar dëmshpërblimet nga tërmeti në Tiranë
2 Mars 2021, 20:21 -
U ekzekutua në hyrje të pallatit, familjarët e Artan Cukut i kërkojnë shtetit dëmshpërblim 1 milion euro
5 Shkurt 2021, 11:51 -
Apeli i Voltana Ademit, Kryetares së Bashkisë së Shkodrës për qeverinë: Të dëmshpërblehen banorët e përmbytur
15 Janar 2021, 15:02 -
Dëmshpërblim për vdekjet në aksidente të transportit publik/ Projektligji: Pasagjerët të siguruar me tre fasha (DRAFTI)
26 Qershor 2020, 18:23
-
1 vit nga tërmeti në Floq ende pa dëmshpërblime! Banorët: Na bënë shumë premtime, s’kemi marrë asnjë lekë
2 Qershor 2020, 21:44 -
Ndryshon vendimi qeverisë, dëmshpërblimi për tërmetin caktohet nga bashkitë! Zhdëmtimi, nga 100-500 mijë lekë
12 Prill 2020, 16:00
