POP 5

Lajmet më të lexuara të 5 minutave të fundit

Politikë

Lajme nga emisionet

Dënimi i Salianjit, analisti Meçe për Report Tv: Në emër të tij, Berisha do zbatojë planin për mbrojtjen e vetes! Banushi: Grupi i PD presion gjykatës

Analisti Arben Meçe ka komentuar në Report Tv vendimin e Apelit që la në fuqi dënimin me 1 vit burg për deputetin e PD, Ervin Salianji për kallëzim të rremë.

Analisti Arben Meçe ka komentuar në Report Tv vendimin e Apelit që la në fuqi dënimin me 1 vit burg për deputetin e PD, Ervin Salianji për kallëzim të rremë. I ftuar në emisionin ‘Studio Live’ me gazetarin Arbër Hitaj, analisti Meçe u shpreh se PD i ushtroi presion gjykatës, ndërsa gjithë grupi parlamentar u paraqit në seancë.

Sipas Meçes, ky është një veprim i shëmtuar dhe thotë se dënimi i sotëm tregon që mbrojtja politike nuk funksionon më.

“A kishte gjë më të shëmtuar kur gjithë grupi i PD shkon në gjyq, ishte veprimi më i shëmtuar. Është bullizim i sistemit të drejtësisë, pse vajti gjithë grupin, kujt do i bëjnë presion. Çdo të thotë, pa marrë vendimin gjykata, gjithë grupi futet në seancë dhe i bën presion gjykatës. Vetëm për këtë arsye do doja që ti ndërpritet përfundimisht rruga e mbrojtje politike kujtdo. Mësimi i parë që u mor, mbrojtja politike nuk pi ujë më.

Nga masat e manipulimit, nuk ishte një provë ordinere që i bëhet kujto, ishte ndaj ministrit të brendshëm të Republikës së Shqipërisë është numri dy i qeverisë që ka të bëjë me sigurinë kombëtare. Për përmasën e dytë, sot Shqipëria është bërë një kazan i vërtetë i akuzave të rreme. A duhet ti japim fund kësaj situata? Kësaj i jepet fund duke u paraqitur të gjithë në gjyq dhe vendimi i gjykatës është i padiskutueshëm”, tha Meçe në Report Tv.

Nga ana tjetër, edhe gazetarja Keti Banushi shprehet se deputetët e PD me praninë  etyre ushtruan presion gjykatës.

“Kjo ndodh vetëm me deputetët e PD, kërcënojnë gjyqtarët, të kishte qenë një person i thjeshtë të bënte atë që bëri Bardhi, mund të hapej precedent,. Ai kërcënoi hapur. Mbrojtjen që bëri në seancë Salianji, më shumë u kap me avokatin e Geron Xhafës, se sa bëri mbrojtje për vete. Vazhdonin mbrojtje politike. Kërkojnë të bëjnë politikë dhe presion”, u shpreh Banushi.

Ndërkohë, Meçe shton se me dënimin e Salianjit, PD do të futet në një lëvizje ekstreme dhe se sipas tij, Berisha do ta përdorë këtë rast për mbrojtjen e tij.

“Kupola e PD ka reaguar ashpër, të gjithë pa përjashtim. Lëvizje në ekstrem, mbrojtje e Salianjit. Ne kemi 10 ditë që po merremi me Berishën, goditje më e rëndë për PD se goditja që iu bë Berishës nuk ka. Mbrojta politike që iu bë Berishës s’duhet të ishte me përmasa më të mëdha, ndërsa Salianjit po i bëhet me këtë agresivitet. Përse? S’mund ta bënte për çështjen e tij, se do penalizonte PD. Tani i ka ardhur rasti, në emër të Salianjit do zbatojë planin për mbrojtjen e tij. Vendimi i sotëm i PD është kalimi në ekstrem i vendimmarrjes politike. Berishës dosja i dha mesazhin që PD s’ka të ardhme politike”, tha Meçe.

Gjykata e Apelit ka dënuar përfundimisht me 1 vit burg deputetin demokrat Ervin Salinji për akuzën e kallëzimit të rremë. Në një seancë të mbushur plot me deputetët e PD, gjyqtarët shpallën vendimin e cili do ta mbyllë në qeli Salianjin. Vetë deputeti e quajti proces politik, ndërsa ky vendim i Apelit mbyll një sagë që nisi me publikimin e përgjimit të stisur në pranverën e vitit 2018.

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29