Prej gati dy vjetësh pas zgjedhjeve të përgjithshme të 25 prillit 2021 Partia Demokratike është futur në një eksperiment politiko/social të ngjashëm me atë që ndodh në Big Brother. Individë e grupimeve brenda saj, janë përfshirë në një luftë të paskrupullt mes tyre për të fituar trofeun partiak, vulën dhe logon e partisë. Po ndodhin kapërcime të paimagjinueshme pas 9 shtatorit 2021 kur me një akt të paprecedentë Lulzim Basha asokohe Kryetar i PD-së vendosi të përjashtojë nga Grupi Parlamentar liderin historik demokratëve Sali Berisha duke e nxjerrë deputet te lirë
Nga ky moment ujërat u përzien keq brenda demokratëve me shpërthimin e një armiqësie dhe lufte të ashpër personale që kulmoi edhe me përplasje fizike më 8 janar të vitit 2022 Lul Basha me të tijtë blinduan selinë me dyer e dritare hekuri, ndërsa Berisha dhe përkrahësit e tij mësynë selinë për të marrë zyrat pas Kuvendit të Jashtëzakonshëm të 11 dhjetorit 2021 që ndryshoi statusin e partisë dhe shkarkoi Bashën si kryetar humbës serial që nga Viti 2013. Nga ky moment PD pësoi çarjen më të madhe që nga krijimi i saj në 12 Dhjetor të Vitit 1990. Basha i mbështetur nga amerikanët që e kishin shpallur ndërkohë Berishën non grata dolën haptas ndaj tij, ndërsa idhëtarët e Berishës u vendosën krah liderit që organizoi me shpejtësi kuvendin kombëtar të demokratëve për të konfirmuar poktikisht veten si drejtues i opozitës. Baza u përgjigj por rrethanat e reja poktike me pozicionin e hapur amerikan anti Berisha krijuan një amulli brenda selisë blu e cila e përçau keqas PD në të paktën 3 grupime.
Kjo solli pasiguri në vendimmarrjen kolegjiale me struktura paralele të partisë duke e zhvendosur fokusin nga beteja kundër Ramës dhe qeverisë në betejë pa limit brenda llojit. Akuzat për flirte me mazhorancën dhe vetë kryeministrin vijojnë pandalshëm mes grupeve që sfidojnë e nominojnë njëri tjetrin në publik. Dhe jo pa bazë pasi ka të dhëna se Rama sipas midesë dhe interesit për diversion iu hedh kocka interesash sa njërit grup edhe tjetrit, duke legjitimuar akuzat e tyre të ndërsjellta se në një mënyrë a në një tjetër po përfitojnë nga pushteti i tij për të humbur qëllimin madhor bonusin e ardhjes së opozitës në pushtet. Nga ana tjetër gjykata që në këtë rast metaforikisht merr rolin e “opinionistit ligjor” po mban peng në mënyrë krejt të pakuptimtë vendimin për të dhënë një vendim që do zgjidhte këtë ngërç që mbi të gjitha është një kosto për funksionimin e demokracisë së pari dhe së dyti të vetë opozitës si instrument jetik të saj dhe jetës politike në vend. Në këto kushte kur gjykata opinion/vendimmarrëse nuk po vepron e kur zgjedhjet lokale janë në prag, PD po merr një kosto të pallogaritshme që mund ta çojë atë drejt shpërbërjes përfundimtare. Kjo bazuar vetëm te logjika e etjes për pushtet që grupimet kanë mes tyre. Berisha mban legjitimitetin e mbështetjes së bazës, kundërshtarët shtrëngojnë kartën e kostos që ai prodhon me statusin non grata si penalitet për të mundur Ramën e sjellë opozitën në pushtet.
Nga ana tjetër grupimi që nuk ka mbi kurriz status penalizues nga ndërkombëtarët nuk gëzon mbështetjen në bazë e provuar kjo nga zgjedhjet e pjesshme lokale të 6 marsit 2022 ku morën një rezultat dërmues humbës, që çoi në dorëheqjen formale, por jo zyrtare e përfundimtare të Lulizm Bashës si kryetar. Pra me këtë luftë shkatërrimtare që vetëm interesin e demokratëve nuk ka në thelb aktorët e Big Brotherit që po zhvillohet në PD po shkojnë drejt një humbjeje jo vetëm elektorale, por edhe vetëasgjesuese politike duke i dhuruar fitoren e palodhshme të radhës Edi Ramës që nga ana e tij nuk po kujdeset të bëjë ndonjë lojë hollë duke iu referuar skandaleve të njëpasnjëshëm që po i shpërthejnë në të gjitha nivelet e pushtetit të tij të rënduar nga prepotenca e korrupsioni. Pra shfaqja po zhvillohet si një serial ku duket qartë edhe fituesi i pamerituar dhe humbësi i vetëpërcaktuar. Kjo është Shqipëria ku Big Brotheri më i madh dhe me audiencën absolute është Big Brotheri poktik, më saktë ai që po ndodh brenda Partisë Demokratike.
Komente
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Siguria në shkolla, a po përdoren fëmijët nga Qeveria dhe Opozita?
27 Nëntor, 16:37 -
Berisha me gazetarët pas lirimit nga GJKKO: Falenderova gjykatësen për vendimin, por të tjerët janë bandë kriminale! Ku i gjeti Dumani 3 apartamente?
27 Nëntor, 14:47
Jo "Partia Demokratike" por organizata dhe individe qe perfaqesojne politika dhe interesa te huaja shteterore apo private. Dhe te cilet pasiqe kane ujdisur me faktore te brendshem, kupto ramizmin, kane zbatuar kete palo operacion politik qe degjeneroi si mos me keq por vecanerisht paleve qe e gatisen dhe qe tashme perpiqen te lajne m me sh.
Përgjigju