POP 5

Lajmet më të lexuara të 5 minutave të fundit

Bota

Dënohen me burg përjetë 2 shqiptarët në Britani! Kryen vrasje për shtëpinë e barit, kishte kanabis me vlerë 95 mijë paund

Dy shqiptarë janë dënuar me burg përjetë për vrasjen e rivalit të tyre për shkak të një sherri për kanabisin me vlerë 95 mijë paund.

Dënohen me burg përjetë 2 shqiptarët në Britani! Kryen vrasje për shtëpinë e barit, kishte kanabis me vlerë 95 mijë paund

Radian Lika dhe Brikel Palaj

Dy shqiptarë janë dënuar me burg përjetë për vrasjen e rivalit të tyre për shkak të një sherri për kanabisin me vlerë 95 mijë paund.

Aranit Lleshi, 32 vjeç, nga Culvert Road, Tottenham, Londër u godit me thikë më 24 maj dhe vdiq në vendngjarje në Bristol. Autorët e kësaj vrasje janë Radian Lika, 36 vjeç dhe Brikel Palaj, 33 vjeç, që u dënuan me burg përjetë për vrasjen pas një gjyqi shtatë-javor në Gjykatën e Bristol Croën.

Nikola Palaj, 29 vjeç, u dënua me 5 vite burg për vrasjen e Lleshit. Ndërsa 35-vjeçari Kastriot Mhillaj pranoi akuzën për sjellje të dhunshme përpara fillimit të gjykimit. Mhillaj u dënua më herët me 18 javë burgim, por u lirua menjëherë pasi tashmë është në paraburgim prej gati një viti.

Gjatë gjyqit u tha kanabisi po rritej në një shtëpi me qira afër skenës së përleshjes në Bloomfield Road, Brislington. Aranit Lleshi dhe vëllai i tij Sadik Lleshi, po përgatiteshin për të korrur kanabisin kur u sulmuan nga rivalët e tyre.

Banda e dytë me bazë në Londër kishte shpresuar të vidhte të korrat në mungesë të tyre. Në vend të kësaj, të dyja bandat u gjendën në Bloomfield Road në të njëjtën kohë. Pasi zbuluan pronën, Lika dhe Brikel Palaj blenë katër thika kuzhine.

Vëllai i viktimës, Sadik Lleshi, u shpall i pafajshëm për çdo përfshirje në përleshjen e dhunshme që çoi në vdekjen e vëllait të tij.

 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46