TIRANE - Ish-gardisti Ylli Memia nje nga deshmitaret kyç ne procesin kunder Arben Frrokut, eshte denuar nga Gjykata e Tiranes me 6 muaj burg. Vendimi eshte dhene nga gjyqtarja Ardiana Bera e cila ne perfundim te shqyrtimit gjyqesor ka argumentuar se rrezikshmeria e vepres se kryer prej tij ajo e deshmise se rreme eshte e tille, saqe e bene te domosdoshem izolimin nga shoqeria per nje periudhe 6 mujore.
 
Në vendim thuhet se Memia u denua pasi genjeu para gjykates lidhur me bisedat qe kishte zhvilluar pas vrasjes se kryekomisar Dritan Lamaj pasditen e 24 shkurtit 2013 me deshmitarin e mbrojtur Fatmir Vladi dhe Agron Kulicaj. Ai u dënua ne mungese pasi prokuroria kishte verifikuar dhe depozituar në gjykatë shkresen e mosgjetjes se tij ne banese dhe konfirmimin e largimit jashte vendit.
 
Pas ndalimit nga policia per 48 ore ne dhjetor te vitit 2014, menjehere pas seances gjyqesore ku ndryshoi theniet e dhena para oficereve te polcise gjyqesore lidhur me ato cfare kishte biseduar me Vladin para Kulicaj, Memia eshte larguar jashte territorit te vendit. Gjykata eshte shprehur se Memia ka mohuar dijenine e thenieve te Fatmir Vladit dhe Agron Kulicaj per vrasjen e Dritan Lamaj, duke u shprehur ne seance para Krimeve te Renda se nuk njeh asnje prej tyre. Gjate gjykimti eshte vertetuar e kunderta.
 
Memia eshte personi i pare qe pasditen e 24 shkurtit 2013 degjoi rrefimin e plote te Fatmir Vladit lidhur me skemen e vrasjes se kryekomisar Dritan Lamaj dhe me pas ka qene po ai qe lajmeroi ish-drejtuesit e Policise se Shtetit.

Redaksia Online
(Gre.M/Shqiptarja.com)