Myslim Pashaj, eksperti që denoncoi marrëveshje e 2009, në një intervistë për "Repolitix" ka deklaruar se ajo marrëveshje që hodhi poshtë Gjykata Kushtetuese në mënyrë unanime me 9 vota ishte në cenim të Shqipërisë, e cila humbiste shumë nga ajo marrëveshje. Pashaj tha se edhe personi me intelektin më të ulët e kuptonte që jo marrëveshje ishte në dëm të Shqipërisë e cila sipas llogarive të tij vendi ynë humbiste 345.4 km katrorë. Pashaj tha se ajo marrëveshje ishte bërë gabim pasi Greqia përfaqësohej me arkipelagun e saj të ishujve, ndërsa Shqipëria kishte krahun e dheut kontinental.
"Shqipëria humbiste nga ajo marrëveshje, Greqia gjeti vend për të bërë marrëveshje dhe ia arriti qëllimit të saj. Greqia përfaqësohej me ishulli e madh të Korfuzit dhe me arkipelagun e ishujve. Nëse Shqipëria kishte krahun e dheut kontinental si mund të ndodhte të ishim të barabartë. Këto distanca ndahen nga vija e mesit nga vija bregdetare dhe kjo është fjalë është marrë në mënyrë shumë të cekët nga grupi negociator, pasi aty duhen parë edhe faktorët gjeografik, gjeologjik dhe pjesëve të tjera të trajtimit të tyre, prandaj duhen pasur parasysh të gjithë faktorët për përcaktimin e vijës së mesit. Këtu edhe niveli më i ulët intelektual e ka kuptuar që ai po mbështeste diçka që bën "muu". Kam pasur fatin që të jem në Gjykatën Kushtetuese që ka bërë gjykimin e saj për 7 orë rresht vendimi i saj është historik pasi ajo u mbështet në përvojën botërore. Kur mbarojnë grupet negociatore bëhet një test se sa ke fituar ti dhe sa unë. Sipas testit 1 km gjatësi Shqipëria e varfër dhe të mbaruar kishte fituar 10.2 km katrore, ndërsa Greqia kishte marrë 17.2 km katror, ky ishte testi që në mbarim të diskutimeve bëhet testi. Në total ka një test tjetër që i mbledh të gjitha dhe sipas llogarive të mia do kishim humbur 345.4 km katrore. Gjykata bëri shumë mirë që nuk e bëri këtë llogari, pasi ajo nuk merret me hollësi por me parimet bazë", tha Pashaj.
Në lidhje me kërkesën e kryeministrit Rama që marrëveshjen e detit mes Shqipërisë dhe Greqisë të merret edhe mendimi i Arbitrazhit apo një pale të tretë, Pashaj tha se është dakord me këtë, por fillimisht duhet kuptuar se pse po shkojmë në Arbitrazh dhe kush janë problematikat. Sipas Pashajit grupet negociatore duhet të fillojnë negociatat dhe të punojnë se rrugës mund të dalin probleme që nuk kapërcehen, që në këtë rast duhet të flasë Gjykata Kushtetuese.
"Brenda dy javëve kryeministri duke e vlerësuar këtë situatë shumë të ndjeshme ka dhënë dy mendime që janë vazhdim të njëra-tjetrës. E para e lehtësoi situatën në kuptimin që ne nuk po vazhdoj më negociatat me palën greke pasi kemi një qeveri tjetër dhe kemi nevojë të riformatojmë grupin negociator. Pas një jave shfaqi një mendim tjetër ku të dyja palët mesa duket nuk po përkojnë për të eksploruar më tej problemin e marrëveshjes Rama tha që të çohet në Arbitrazh ose me një palë të tretë. Unë jam dakord me këtë, por para se të shkojmë këtu nuk mund të jenë të lehta gjërat. Ne kemi pasur një marrëveshje që nuk ekziston më, ka pasur një procedurë negocimesh që nuk i dimë, por nuk mund të shkojmë në Arbitrazh pa e pasur të qartë pse po shkojmë atje dhe cilat janë problematikat. Ka vend akoma që negociatat të vazhdojnë pasi mund të nxjerrë probleme që nuk mund të kapërcehen. I pari është vendimi i gjykatës Kushtetuese që nuk e ka vendim patriotik, por shkencor. Nëse kemi një marrëveshje dypalëshe duhet të bazohet tek Gjykata Kushtetuese", tha Pashaj.
Komente
Lajme të tjera
-
Mesila Doda: PD e bërë cope e çikë, e përthithi problematika e personave në krye, duhet të konceptohet një e djathtë e re moderne
15 Janar, 19:13 -
Himara, Hasani: Qeveria po shqyrton vendimin e GJKKO-së për Belerin! S’kemi plan B për marrëveshjen me Italinë, presim Kushtetuesen
28 Dhjetor 2023, 10:33 -
Koloneli Myslim Pasha: Deti i shitur thёrret prokurorёt
11 Dhjetor 2023, 15:55
-
Çështja e detit mes Greqisë dhe Shqipërisë, Dule: Nuk është një tekë, flitet për çështje ekonomike! Vangjeli: Trashëgimi i problemit, zgjidhja e gjetur nga politika
22 Mars 2023, 15:06 -
Pakti detar me Greqinë dhe përgjegjësitë pa rrugëdalje të Sali Berishës
9 Janar 2023, 10:43
-
Berisha krenar që i fali 'Detin' Greqisë, Kushtetuesja dhe pritshmëria nga Dumani
21 Dhjetor 2022, 20:49
-
Berisha mbron marrëveshjen e tij me Greqinë për detin: Për fat të keq ndërhyri Turqia
21 Dhjetor 2022, 09:30 -
Marrëveshja e detit/ Xhaçka në konferencën me Dendias: Kompromis për ta çuar në Hagë! Kërkuam zgjidhje për shfuqizimin e Ligjit të Luftës
21 Dhjetor 2022, 08:56 -
Korçë/ Ambasadorja greke: Dy kryeministrat kanë shprehur dëshirën për të përshpejtuar procedurat që çështjen e detit ta dërgojnë në Hagë
9 Dhjetor 2022, 17:13 -
Marrëveshja e detit, Xhaçka takon Dendias në Athinë: Të përkushtuar të ecim drejt një zgjidhje me përfitim reciprok! Mediat greke: Athina kërkon dërgimin e çështjes në Hagë
2 Dhjetor 2022, 10:05 -
Ilir Yzeiri: 'Mehmet Shehu', një roman për lavdinë dhe mizorinë e keqkuptuar
18 Korrik 2022, 19:41
-
'Figurë tragjike', sjell “Mehmet Shehun” nga lindja në ’43-shin në një roman historik, koloneli Pashaj: Traktati që i hëngri kokën, si u përplas me Enverin në Konferencën e Labinotit
7 Korrik 2022, 17:23
Ku jane hartografet shqiptare te vjeter e te rinj? Ata jane kompetentet e vertete per probleme te tilla se bashku me juriste te sprovuar dhe jo cunake me lidhje politike...
PërgjigjuNUK DUHET cuar asnje ceshtje ne arbitrazh,,,,,sepse mund te merret nje vendim i demshem per shqiperine,,,dhe pastaj nuk ke ku te ankohesh me.....
Përgjigju