Departamenti i Shtetit: SHBA nuk do tërhiqet nga Iraku por do forcojë partneritetin

Zëdhënësja e Departamentit të Shtetit Morgan Ortagus tha sot se SHBA nuk do tërhiqet nga Iraku por do forcojë partneritetin.

Ortagus iu referua drejtpërdrejt kërkesës së Kryeministrit të Irakut Abdul-Mahdi që SHBA të dërgojë një delegacion në Irak për të diskutuar mekanizmin e tërheqjes së trupave, duke thënë: Në këtë kohë, çdo delegacion i dërguar në Irak do të ishte i përkushtuar për të diskutuar se si mund të funskionojë më mirë partneriteti ynë strategjik, jo për të diskutuar tërheqjen e trupave.

"Prania jonë ushtarake në Irak është që të vazhdojmë luftën kundër ISIS. Ne jemi të përkushtuar të mbrojmë amerikanët, irakianët dhe partnerët tanë të koalicionit," – tha Ortagus. "Sidoqoftë, duhet të ketë bisedime midis SHBA dhe Irakut jo vetëm në lidhje me sigurinë, por për partneritetin tonë financiar, ekonomik dhe diplomatik. Ne dëshirojmë të jemi një mik dhe partner për një Irak sovran, të prosperuar dhe të qëndrueshëm".

Lajmi kryesor:

Sulmi iranian me raketa, Pasdaran: Ishte vetëm fillimi, SHBA vendos sanksione për çelikun dhe urdhëruesit e sulmit me raketa

TAG:
• konflikti SHBA-Iran