Kryeministri i Kosovës, Ramush Haradinaj ka raportuar këtë të premte në Komisionin Hetimor parlamentar, lidhur me deportimin e gjashtë gylenistëve turq në mars të këtij viti.
Sikurse ishte njoftuar, seanca e komisionit nisi në orën 11: 00. Haradinaj fillimisht ka kërkuar ndjesë për mosparaqitjen në thirrjen paraprake të komisionit. Më pas, përmes një materiali që paraqiti, Haradinaj pasqyroi të tërë kronologjinë e datës 29 mars, kur u dëbuan nga Kosova 6 gylenistët. Haradinaj deklaroi se nga 11:15 deri në 12:26 është mbajtur mbledhja e Kryesisë dhe sipas tij ka qenë pikërisht ai momenti kur është njoftuar nga një zyrtar diplomat, përmes një telefonate, për cështjen në fjalë.
Kryeministri kosovar u shpreh më tej se më 29 mars i është drejtuar ministrit të Punëve të Brendshme Flamur Sefaj dhe shefit të AKI-së Driton Gashi, për ta njoftuar për arsyen e deportimit dhe vendndodhjen e gylenistëve. Ai pohoi se pikërisht për shkak të mungesës së këtyre informacioneve nga ana e tyre, mori vendimin për t'i shkarkuar nga detyra.
Ka qenë obligim i ministrit Sefaj dhe drejtorit të AKI-së që të më njoftojnë paraprakisht për aksionin, e kanë pasur përgjegjësi. Vendimi për shkarkimin e të dyve është vendim i diskresionit të atij që ia ka dhënë besimi, që e jep kryeministri. Njëkohësisht edhe për emërimin e drejtorit të AKI-së, gjysmën e vendimmarrjes e merr kryeministri. E duke pasur parasysh se ata duhej të raportonin te kryeministri, e kam shfrytëzuar të drejtën time duke i shkarkuar.
Ramush Haradinaj, Kryeministër i Kosovës
Haradinaj shtoi se për shkarkimin e Sefajt dhe drejtorit të AKI-së ka patur edhe përkrahjen e presidentit Hashim Thaçi.Ky i fundit ishte gjithashtu i thirrur për të dëshmuar për dëbimin e gylenistëve nga Kosova, por sipas mediave kosovare, Thaci nuk ka qenë i pranishëm.
Gjashtë gylenistët nga Kosova u dërguan më 29 mars në Turqi përmes një operacioni të MIT-it me Agjencinë Inteligjente të Kosovës. Konkretisht bëhet fjalë për Cihan Ozkan, Kahraman Demirez, Hasan Husein Günakan, Mustafa Erdem, Osman Karakaya dhe Yusuf Karabina. Të përmendurit konsiderohen si pjesëtarë të organizatës “FETO” të imamit Fetullah Gulen, i cili akuzohet nga presidenti turk Rexhep Tayyip Erdogan se është organizator i grushtit të shtetit në korrik të vitit 2016.
Lajme të tjera
-
Kosovë/ Seancë e jashtëzakonshme për përgjimin Kusari-Radoiçiç, Vetëvendosja e bojkoton, Haradinaj: Komunikoi me porosi të Kurtit!
11 Tetor, 17:55 -
Haradinaj: Kosova po udhëhiqet nga spiuni i Serbisë, Albin Kurti!
10 Tetor, 16:28 -
Haradinaj: Kurti dhe e gjithë klika e tij janë kriminelë
11 Korrik, 16:22 -
Ramush Haradinaj akuza Albin Kurtit: Ç'të lidh me agjentët serb Gollub e Boban Donqiq? Pse kërkove partneritet me Radojçiçin?
4 Qershor, 17:54 -
‘Zbaton agjendën ruse’, Ramush Haradinajt akuza të forta ndaj Albin Kurtit: Është rekrutuar nga serbët në burg
28 Maj, 11:05 -
Përurohet në Gjakovë shtatorja e Skënderbeut! Haradinaj: Nga sot do t’i bëjë ‘roje’ Gjakovës heroike
4 Maj, 15:53 -
Çfarë po ndodh në Kosovë? Haradinaj paralajmëron zgjedhje të parakohshme në qershor
9 Mars, 14:25 -
Haradinaj në SHBA: Kosova, miqësi të përjetshme me Amerikën
1 Shkurt, 12:12 -
Haradinaj në Pentagon: Kosova dhe ushtria e saj është gati të jetë anëtare e NATO-s në krah me Amerikën
31 Janar, 15:39 -
Raketat kundërtanke/ Haradinaj: E vonuar kërkesa ndaj SHBA-së, Kurti duhet të japë llogari
12 Janar, 13:51 -
Haradinaj: Kosova s’ka pasur asnjë vit më të humbur sesa 2023, na duhet unitet
8 Janar, 13:21 -
Incidenti/ Vjosa Osmani fton në presidencë, Ramush Haradinajn, por e lë të presë! Ai ngrihet dhe ikën
19 Dhjetor 2023, 20:06
