Kandidati i Berishës dhe Metës për Himarën sfidon sovranitetin e Shqipërisë, bën fushatë me flamurin e 'Vorio Epirit'

Fredi Beleri është kandidati i përbashkët i Sali Berishës dhe Ilir Metës për Bashkinë Himarë në zgjedhet lokale të 2023. Dhe pikërisht që në nisje të fushatës së tij nuk ka 'zhgënjyer'. Ai e ka nisur me flamurin e Vorio Epirit. Video është bërë publike nga vetë kandidati kandidat i përbashkët i PD-së dhe PL në rrjetet e tij sociale. Ai u bën thirrje emigrantëve shqiptar që jetonë në Samos të Greqisë që ta mbështesin, duke i premtuar zgjidhje të problemeve me të cilat ata përballen

Me 14 maj Unë dua që ju të jeni në fshatrat tona, dua që të më mbështesni, kërkoj ndihmën tuaj, dua besimin tuaj dhe do të jem gjithmonë pranë jush”

Këtë skandal e denoncoi dje edhe deputeti i Partisë Demokratike, Kreshnik Çollaku ka kritikuar kandidatin e Rithemelimit për Bashkinë Himarë, Alfred Bejerin. Çollaku është shprehur se Bejeri haptazi ka shkelur sovranitetin e vendit duke përdorur për fushatë, flamurin e vorio epirit. Ai u kërkoi demokratëve të mos e votonit, ndërsa shtoi se duhet refuzuar nga çdokush një person i cili shkel integritetin territorial dhe sovranitetin kushtetues të vendit.

“Ky eshte kandidati per kryetar bashkie ne Himare,i mbeshtetur nga Rithemelimi dhe PBDNJ. Asnje nga pjeset e PD nuk mund te mbeshtese nje kandidat per Himaren qe ben fushate me flamurin e Vorio Epirit. Une u kerkoj miqeve të rithemelimit qe sado te ndare te jemi ne shume ceshtje duhet refuzojme bashke një  kandidat që sfidon integritetin territorial dhe sovranitetin kushtetues të Shqipërisë.”- shkruan Çollaku. Sali Berisha firmosi marrëveshjen e koalicionit me PBDNJ-në e Vangjel Dules për zgjedhjet vendore të 14 majit, duke i kandidatët në Bashkitë e Himarës, Dropullit dhe Finiqit.

Në këto tre bashki PBDNJ ka përcaktuar kandidatët pas marrëveshjes së firmosur me Berishën 25 janar. Fredi Beleri do të jetë kandidat në Bashkinë e Himarës, Thanas Maneka për Dropullin ndërsa për Finiqin do të jetë kryebashkiaku aktual, Leonidha Kristo. Fredi Beleri është një figurë e njohur dhe jo pak e kontestuar në të shkuarën. Ai është një nga personat e akuzuar për masakrën në kazermat ushtarake të Peshkëpisë, afër kufirit jugor me Greqinë, gjatë së cilës u vranë tre ushtarakë shqiptarë të paarmatosur. Një shoqatë ekstremiste greke me emrin Stohos mori përsipër krimin. Fredi Beleri u akuzua bashkë me disa të tjerë, por ngjarja kurrë nuk u zbardh plotësisht dhe as u gjetën autorët.

 

 

G.MO/r.k./Shqiptarja.com

TAG:
• fred beleri
• PBDNJ
• Kreshnik Çollaku
• PD
• Lufta brenda PD
• Vlore
• himare