POP 5

Lajmet më të lexuara të 5 minutave të fundit

Politikë

‘Merr vulën, jep Salianjin’, Basha pas dënimit të deputetit të PD: Pazar i ndyrë Rama-Berisha, nuk mbulohet me mashtrime e lëpirje

Lulzim Basha ka reaguar pas dënimit të deputetit demokrat Ervin Salianji, me 1 vit burg për kallëzim të rremë në dosjen Babale. Në reagimin e parë, Lulzim Basha hedh sërish akuza për një pazar mes kreut të PD, Sali Berisha dhe kryeministrit Edi Rama.

TIRANË- Lulzim Basha ka reaguar pas dënimit të deputetit demokrat Ervin Salianji, me 1 vit burg për kallëzim të rremë në dosjen Babale. Në reagimin e parë, Lulzim Basha hedh sërish akuza për një pazar mes kreut të PD, Sali Berisha dhe kryeministrit Edi Rama.

Sipas tij, gjithçka ka qenë një pazar, ku Rama i ka dhënë vulën Berishës, e nga ana tjetër sipas Bashës, ish-kryeministri ka lëshuar Ervin Salianjin.

Kreu i grupimit, demokratët euroatlantikë ndalet edhe tek trupa gjykuese, ndërsa shkruan se si ka mundësi që të njëjtit gjyqtarë që dënuan Salianjin, ia dhanë vulën Berishës? Po ashtu me ironi, Basha shkruan se “pse këta gjyqtarët dje ishin heronj e sot u bënë vasalë të Edi Ramës?”.

“Burracakët që kanë lëpirë çdo gjë që kanë pështyrë gjatë karrierës së tyre politike, kanë qelbur ekranet me shpifje të ndyra. Ndryshe nga këto vemje politike, që si korbat u turren fatkeqësive politike nga Sali Berisha te Ervin Salianji për të përfitur prej tyre, Lulzim Basha as nuk feston, as gëzon dhe as i përdor. Politikanët reagojnë me akte dhe vendime jo me deklarata të tipit “kurrë me Berishën”, e pastaj presin mëshirën e tij poshtë ballkonit.

Ky lëpirësi që u shfaq sot t’u thotë demokratëve si ka mundësi që të njëjtit gjyqtarë që dënuan Salianjin, i'a dhanë vulën Berishës? Pse këta gjyqtarët dje ishin heronj e sot u bënë vasalë të Edi Ramës? Pazari i ndyrë Rama-Berisha, merr vulën-jep Salianjin, nuk mbulohet dot me diarrenë mediatike të këtyre vemjeve politike dhe as të mediave të blera prej tyre”, shkruan Basha.

Basha e mbyll postimin duke thënë se pazarin pazari i ndyrë Rama-Berisha, nuk mbulohet me mashtrime e lëpirje.

Trupa gjykuese e gjykatës së Apelit e përbërë nga Elona Toro, Genti Shala dhe Iliba Bezati me një votim unanim lanë më 26 shtator në fuqi vendimin e Gjykatës së Tiranës të 18 dhjetorit 2019 e cila shpallte fajtor Salianjin për ‘kallëzim të rremë’ lidhur me për audio-përgjimin e dosjes Babale dhe e kishte dënuar me 1 vit burg. Në audio përgjim pretendohej se vëllai i ish ministrit të Brendshëm Fatmir Xhafaj, ishte përfshirë në një episod trafiku droge.

Ashtu si Salianji, opozita në kor akuzuan trupën gjyqësore për vendim që i shpall luftë Partisë Demokratike edhe pse 2 nga 3 gjyqtarët, ishin në trupën gjykuese që i dhanë vulën në qershor Sali Berishës.

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ervin Salianji dënohet me 1 vit burg për kallëzim të rremë, si e vlerësoni?

Lajme të tjera



×

Lajmi i fundit

Nostalgjia e kujtimeve shqiptare vjen me Amarcord, emisioni më i ri në Report Tv

Nostalgjia e kujtimeve shqiptare vjen me Amarcord, emisioni më i ri në Report Tv

28 Shtator, 21:12