POP 5

Lajmet më të lexuara të 5 minutave të fundit

Politikë

'Taksën do ta heqim'! Deputeti i Vetëvendosjes për Repolitix: Ja çfarë është reciprociteti që do të vendosim me Serbinë

Mefail Bajqinovci u shpreh se qeveria e re e drejtuar nga Albin Kurti do ta heqë taksën për Serbinë, por më parë do të vendosë reciprocitetin.

Deputeti i Lëvizjes Vetëvendosje Mefail Bajqinovci në një lidhje me 'Skype' nga Kosova për emisionin Repolitix në Report Tv u shpreh se qeveria e re e drejtuar nga Albin Kurti do ta heqë taksën për Serbinë, por më parë do të vendosë reciprocitetin. Por cfarë do të thotë reciprocitet? Bajqinovci e shpjegoi në emisionin Repolitix.

"U pa se kishte tension nga Rama, por besoj se do të kaloj dhe këto 70 marrëveshje të mos mbesin jo vetëm në letër, por të zbatohen dhe të kemi një makro-shengen, të largojmë barrierat. Janë dy sfida që e presin Kosovën, politika e jashtme dhe dialogu me Serbinë. Sfidë kryesore ka të bëjë me sundimin e ligjit dhe luftën kundër krimit dhe korrupsionit.

Unë besoj se taksa do të largohet por më parë do të vihet në pah reciprociteti kah Serbisë. Por si është reciprociteti? Sot kemi shumë pengesa, asnjë targë, automjet, asnjë diplomë e Kosovës, asnjë dokument i regjistrit civil të Kosovës nuk pranohet nga Serbia dhe të gjithë këto do të jenë reciprocitet. Dhe 30 marrëveshjet e Brukselit që nuk zbatohen do të rishikohen nga qeveria Kurti. Shumë po flitet për taksën, por reciprociteti do të jetë shumë problematik për Serbinë, pasi shumicën e marrëveshjeve nuk i ka zbatuar" tha ai.

Por a do të marrë pjesë Kosova në samitin e radhës për shengenin Ballkanik në Mal të Zi? "Nuk e di, nuk kam biseduar, por nuk besoj se do të jetë, bazë deklaratave. Kosova nuk është gati për minishengen" tha ai. Albin Kurti sot zhvilloi vizitën e parë zyrtare si kryeministër në Shqipëri, ku dolën në pah edhe njëherë divergjencat mes tij dhe kryeministrit Edi Rama. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vera: 11/02/2020 23:26

    BENI C'FARE TE DONI ,,,vec neve ne shqiperi na leni rehat e mos na thartoni trute,,,mjaft kemi hallet tona…..

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Stafi i Harris: Rezultatet e shteteve kryesore do të shpallen nesër

Stafi i Harris: Rezultatet e shteteve kryesore do të shpallen nesër

5 Nëntor, 17:10