TIRANË- Situata e krijuar në Kosovë, pas dorëheqjeve masive të zyrtarëve serbë dhe daljeve nga Kuvendi të deputetëve të Listës Serbe, u diskutua në emisionin ‘5 Pyetje nga Babaramo’ në Report Tv. Deputetja e Lëvizjes Vetëvendosje, Arbëreshë Kryeziu, tha se Albin Kurti është politikani që ka integritetin moral dhe politik që të shtyjë çështjen para për moskrijimin e të Asocacionit në Kosovë. Duke u ndalur tek plani franko-gjerman, Kryeziu u shpreh se ato ende nuk kanë një plan zyrtar konkret në Kuvendin e Kosovës të prezantuar, ndërsa shtoi se është pranuar që të dialogohet në vazhdimësi. Megjithatë shtoi ajo, Serbia e ka refuzuar një plan të tillë.
‘Qeveritë kanë rënë, pasi nuk ka pasur vullnet për ta çuar para një vendim kaq të rëndësishëm. Marrëveshja mes Kosovës dhe Brukselit e kanë sjellë në 2013 ish-krerët e PDK-së Hashim Thaçi. Ka pasur për qëllim krijimin e asociacionit. Kurti është ai që ka integritetin politik dhe moral për ta shtyrë para çështjen e mos krijimit në Asocacionit. Pavarësisht se kanë kaluar vite lëvizja VV vazhdon që të jetë e njëjtë me më të njëjtin qëndrim karshi Asocacionit. Ne nuk mund të diskutojmë për një plan që nuk është i dhënë në Kuvendin e Kosovës. Mund të kemi dëgjuara, por s’kemi parë një dokument zyrtar dhe nuk mund të flasim sot mbi bazën e një dokumenti zyrtar. E konfirmon se ekziston një plan i tillë, por megjithatë thotë se i ka vërejtjet e tij. Është pranuar që mbi të të dialogohet në vazhdimësi. Serbia e ka refuzuar një plan të tillë. Ne do i bëjmë thirrje qytetarëve serbë që jetojnë në Kosovë që të kthehen në vendet e tyre të punës. Nuk mund të marrin urdhra nga Beogradi.’- u shpreh Kryeziu.
Ndërsa analisti Adri Nurellari, njëkohësisht anëtar i kryesisë së PDK-së, u shpreh se kjo parti po mbron interesin e Kosovës. Sipas Nurelalri, veprimet në veri të vendi janë orkestrim i Vuçiçit dhe se duhet të veprohet me mençuri jo me populizëm në mënyrë që mos të përshkallëzohet situata.
‘PDK sot ka bërë një letër ftesë për të komunikuar duke lënë të kuptohet se me këtë situate jemi të gjithë bashkë. Ka marrë iniciativën për të kërkuar që në këtë çështje kaq delikate që vë në pikëpyetje arritjet e mëdha që janë bërë në shtetin e Kosovës. Duke qenë se kjo po rrezikohet sot PDK- ka kërkuar që ta hapet një komunikim për të pasur një diskutim më të gjerë. Nuk është se PDK ka dalë kundër qeverisë, ne kemi qëndruar mbas qeverisë, kemi pranuar të shkojmë në takime, në mbrojmë interesin e Kosovës dhe e konsiderojmë veprimet në veri si një orkestrim të Vuçiçit dhe duam të veprohet me mençuri dhe jo me populizëm për të anashkaluar përshkallëzimin dhe për të rindërtuar një partneritet me miqtë tanë ndërkombëtarë në mënyrë që këtu çështje mos shkojnë në spirale përplasje, por të trajtohen si duhet. Në shikojmë çështje krejt periferike çështjen e targave. Një temë periferike e trajtuar para 11 vjetësh na duket e padobishme. Nëse nuk ka një marrëveshje finale është papërgjegjshmëri të deklarohemi për të. Në kushtet kur jemi të ballafaquar me spekulime dhe paqartësi është absurde që të deklarohemi për të. Të riparohen raportet me partnerët ndërkombëtarë.’- u shpreh Nurellari.
Situata në veri është përshkallëzuar pasi Qeveria e Kosovës nisi të zbatojë planin në tri faza për ri regjistrimin e makinave me targave ilegale serbe në RKS. Faza e parë përfshin qortimin e shoferëve, e dyta parasheh gjobë deri në 150 euro për ata shoferë, dhe e treta targa provuese. Zbatimi i këtij plani pritet të përfundojë më 21 prill dhe, nga ajo datë, në qarkullim do të lejohen vetëm makina me targa RKS. Në komunat veriore të Kosovës të banuara me shumicë serbe - Mitrovicë e Veriut, Zveçan, Leposaviq dhe Zubin Potok - llogaritet se janë deri në 10.000 automjete me targa ilegale serbe. Këto targa i lëshon Serbia dhe bartin akronime serbe të qyteteve të Kosovës, si: KM, GL, PR, UR e të tjera. Në javët e fundit janë shtuar incidentet në veri të Kosovës, që kryesisht kanë cak serbët që po ri regjistrojnë makinat në RKS. Franca dhe Gjermania kanë propozuar që Serbia të lejojë Kosovën të anëtarësohet në institucione dhe organizata ndërkombëtare, përfshirë Kombet e Bashkuara, në këmbim të anëtarësimit të shpejtë të Serbisë në Bashkimin Evropian.
Lajme të tjera
-
RMV/ Ministri i Drejtësisë thotë se do zbatohen urdhër-arrestet e lëshuara nga Interpol për ish-pjesëtarët e UÇK-së
27 Nëntor, 19:14 -
Kosovë/ Stacioni policor në Zveçan sulmohet me dy granata dore
27 Nëntor, 10:50 -
Kolumbi/ Vjosa Osmani pritet me nderime të larta ushtarake në Pallatin Presidencial nga homologu Gustav Petro
27 Nëntor, 10:07 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Dëshmitë e krimit, Kosova bëhet me muze të të mbijetuarve të dhunës seksuale gjatë luftës
26 Nëntor, 22:29 -
Pasivizimi i adresave në Luginë drejt Gjykatës së Strasburgut
26 Nëntor, 17:19 -
E keni njohur Kosovën! Nervozohet Vuçiç: Nuk është thënë kurrë, nuk dua 'Serbinë e Madhe'
25 Nëntor, 21:18 -
Synon anëtarësimin në BE, Serbia dështon në hapjen e kapitujve
25 Nëntor, 16:45 -
Synon anëtarësimin në BE, Serbia dështon në hapjen e kapitujve
25 Nëntor, 16:43 -
VIDEO/ Plas grushti mes deputetëve në Parlamentin serb, Garda ndërhyn për t'i ndarë
25 Nëntor, 13:56 -
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Kosovë/ Ministri i Financave akuzon Prokurorinë Speciale se po lufton Kurtin e motivuar politikisht
24 Nëntor, 17:21
