TIRANE-Kryetarja e Komisionit të Sigurisë Kombëtare Ermonela Felaj, njëkohësisht deputete e shumicës socialiste në Kuvendin e Shqipërisë e ftuar në emisionin "45 Minuta" në Report Tv deklaron se karriera politike e ish-ministrit të Brendshëm Saimir Tahiri ka përfunduar me vendimin e dënimit që dha dje Gjykata e Shkallës së Parë te Krimet e Rënda. Deputetja e PS-së u shpreh se ish-ministrin e kap ligji i dekriminalizimit dhe nuk mund të ushtrojë funksione publike, pasi u dënua me burg, pavarësisht se u konvertua më pas në shërbim prove.
"E penalizon ligji i dekriminalizimit pas vuajtjes së dënimit. Çdo person që dënohet penalizohet në ligjin për dekriminalizimin. Patjetër është një dënim që e penalizon. Nuk mund të zgjidhet apo të ushtrojë funksione publike. Ne çdo rast duhet ti referohemi një vendimi përfundimtar.
Nëse flasim për një vendim përfundimtar ligji është i qartë, vendos pengesa për personat që janë dënuar me burgim" tha ajo. Por a ka përfunduar karriera e Tahirit me këtë vendim? "Karriera e çdo kujt do të përfundojë nëse do të kishte këtë dënim" theksoi Felaj.
Por a e përjashton Saimir Tahirin edhe nga funksionet partiake në PS përfundimisht dënimi nga Krimet e Rënda? "Askush as PS dhe as tjetër nuk është në gjendje të gjëmojë bindjet e brendshme të dikujt, as për rastin në fjalë nuk do të kisha një përgjigje. Por për të filluar punë në institucione ku zgjidhesh në administratë apo tjetër kemi vendosur pengesa për ata që kanë dënime me burgim, apo është dhënë një masë sigurimi nga një shtet i BE-së dhe është disponuar një masë dëbimi.
Nëse i rrimë strikt e shoh të pamundur që në një afat kohor të gjatë ti rikthehen jetës publike apo ushtrimin të funksioneve. Nuk di ndonjë rast që PS-ja të ketë inkurajuar dikë që të qëndrojë nëse është zbuluar nga ligji i dekriminalizimit. Kjo është një sjellje e mirë, Rama është shprehur i pari për të përmirësuar ligjin. Ne kemi ligjin, këtë barrierë kemi vendosur të jetë më e fortë dhe e qëndrueshme prandaj duam ta përmirësojmë" tha ajo. Më pas Felaj komentoi edhe vendimin e gjykatës dhe provat e paraqitura nga prokuroria. "Nuk do të kisha komente rreth vendimit sepse ne e kemi vlerësuar dhe e konsiderojmë si cështje të drejtësisë. Nuk mund të rri pa bërë disa konstatime. Tahiri është dërguar me burgim nga gjykata. Fakti i vuajtjes së dënimit është një mënyrë e vuajtjes së dënimit, por është dënuar për shpërdorim detyre.
Nga ana tjetër është i pari ministër që shkon para gjykatës dhe dënohet me burg. Një ish-ministër me partinë e tij në pushtet u përball me drejtësinë dhe drejtësia dha një vendim duke e dënuar. Ka më shumë se dy vjet se përballet me drejtësinë, ka qenë i shkëputur nga cdo privilegj, detyrë apo pushtet që i jepte PS-ja. Në të shkuarën asnjë nuk ka shkuar në gjykatë, jo më të dënohej. Kemi 26 të vdekur në Gërdec dhe 4 të vrarë në bulevard dhe askush nuk mbajti asnjë përgjegjësi dhe vijojnë të gëzojnë të njëjtat privilegje. Ne kemi bërë kallëzime për ish-ministrat e PD-së, por nuk di se cfarë është bërë.
Asnjë ish-ministër i pushtetit të dikurshëm nuk ka shkuar në gjykatë dhe jo më të dënohet. Për akuzën e shpërdorimit të detyrës është shënuar një hap përpara. Dënimi vjen në proporcion me faktet. Për akuzat e tjera gjykata ka bindjen e saj se ato nuk qëndrojnë, për atë që ngelet dënimi është në proporcion. Një nga mënyrat e vuajtjes së dënimit është edhe kryerja e punës në interes publik, përcaktohet në vendimin e gjykatës. Vendimi nuk është përfundimtar, pasi cështja duhet të vijojë në shkallën e dytë dhe Tahiri ka deklaruar se do ta ankimojë cështjen" tha ajo.
Kryeministri Edi Rama para dy ditësh i bëri një ftesë të hapur Lulzim Bashës dhe partive të tjera të opozitës për t'u ulur në tryezën e dialogut për Reformën Zgjedhore, por lideri i PD-së e refuzoi. Felaj thotë se brenda kampit të opozitës ka përçarje, pasi jo të gjithë janë dakord me refuzimin e ftesës.
"Ka një çarje brenda kampit të opozitës, pasi disa janë dakord që t'i bashkohen tryezës. Ftesa jonë vlen dhe qëndron për t'i siguruar vendit stabilitet dhe për të ecur përpara. Damian Gjiknuri largohet nëse opozita i kthehet komisionit, nëse nuk kthehet, Gjiknuri nuk largohet nga bashkëdrejtimi i komisionit" tha ajo.
Partitë e vogla kërkojnë ndryshim të sistemit zgjedhor aktual, që është proporcional rajonal i ndarë në bazë qarku duke kërkuar lista të hapura dhe sistem mazhoritar. Por fati i sistemit është në dorë të partive të mëdha, pavarësisht kërkesave të aleatëve të vegjël të cdo partie të madhe.
E ftuar në emisionin "45 Minuta" të drejtuar nga Denis Minga në Report Tv, deputetja e PS-së, Ermonela Felaj thotë se sistemi aktual ka shumë avantazhe duke u pozicionuar kundër ndryshimit.
"Atë sistem që thonë sot partitë e vogla e kemi provuar. Fakti që e kemi provuar atë dhe këtë, bashkuar edhe eksperiencën e vendeve të tjera. Asnjë nuk ka vetëm avantazhe, por edhe disavantazhe dhe këto të do të ishte mirë që të korrigjoheshin.
Sistemi që kem mundësoi futjen e të rinjve në politike, u dha mundësi përfaqësimit të grave në politikë. I kemi marrë avantazhe këtij sistemi. Nëse do të diskutojmë për ta ndryshuar, kjo nuk ka për të qenë diskutim unë e dua dhe unë nuk e dua, por i ballafaqimit të avantazheve që sjell" tha Felaj.
Komente
Lajme të tjera
-
Bashkëkryetarin e 'Zgjedhores' për votën e amnistisë penale? PS refuzon kushtin e Rithemelimit! Felaj për Report Tv: U tërhoq për të mos e shtyrë 6 muaj
23 Shkurt, 15:42 -
‘Ligjet’ miratojnë propozimin e PS për ndryshimet në ligjin për komisionet hetimore! Felaj: Të ngrihen për çështje të veçanta! U bazuam tek modeli gjerman
19 Dhjetor 2023, 12:24 -
Apeli i GJKKO e la në burg, ish-truproja e Tahirit rekurs në Gjykatën e Lartë
8 Dhjetor 2023, 14:37 -
Drafti i mazhorancës për Komisionet Hetimore, opozita: Anti-kushtetues! Tabaku e Çupi: Kthen ‘hetimorët’ mjet të PS
1 Dhjetor 2023, 14:27
-
PS propozon ndryshime në ligjin për Komisionet Hetimore! Felaj: Ka mangësi! Ftuam opozitën, por ra në vesh të shurdhër! Report Tv siguron projektligjin
30 Nëntor 2023, 13:06 -
Ermonela Felaj: PS nuk dialogon me Berishën, ai duhet t’i nënshtrohet dialogut me drejtësinë
23 Nëntor 2023, 19:45 -
Takimi me krerët e parlamenteve të vendeve të Europës Juglindore, Gjylameti: Shqipëria e angazhuar për një rajon të stabilizuar
17 Nëntor 2023, 19:33 -
Akuzohet për trafik droge, Apeli i GJKKO konfirmon dënimin për ish-truprojën e Saimir Tahirit
26 Shtator 2023, 10:24 -
Saimir Tahiri, Klement Balili e Safet Bajri bashkë rreth një tryeze në burgun e Kosovës, Drejtoria e Burgjeve: Fotografia u realizua nga personeli! Vuanin dënimin në të njëjtin sektor
4 Gusht 2023, 17:38 -
Akuzat se ka ‘pushtuar’ Prokurorinë e Tiranës, Felaj: Familjarët e mi kanë dy dekada që punojnë
17 Korrik 2023, 16:06 -
KPK konfirmon në detyrë prokuroren e Tiranës, Alma Felaj! Kunata e deputetes socialiste Ermonela Felaj
14 Korrik 2023, 13:23 -
Bardhi debat të ashpër me Felajn: Mbylle gojën moj gore! Gjobaxhie, ke pushtuar Prokurorinë e Tiranës, burri yt ka marrë ryshfet 1.5 mln euro! Deputetja: Palaço
13 Korrik 2023, 11:14
Jo moj Ermonela,,,nuk eshte hic sic thua ti,,,beteja e Saimirit sapo ka nisur. As llalleria,as gjingjoneria,,,dhe as praktika socialiste e sterkemcave nuk e perkulin Saimir Tahirin dhe nuk do te kene jetegjatesi per njollosjen e emrit te Ministrit te Brendshem me re besueshem dhe me rezultativ te 30-viteve te fundit.
Përgjigju