POP 5

Lajmet më të lexuara të 5 minutave të fundit

Arkiva

Der Spiegel: Sekretari Amerikan 
Kerry përgjohet nga spiunët izraelitë

E përditshmja gjermane “Der Spiegel” ka botuar sot një artikull në të cilin akuzohet inteligjenca izraelite se ka përgjuar sekretarin amerikan John Kerry gjatë bisedimeve për paqe në Lindjen e Mesme. Sipas gazetës, përgjimet kishin si qëllim informimin e kryeministrit Benyamin Netanyahu në lidhje me palestinezët dhe shtetet e tjera të përfshirë në bisedime.
GJERMANI - E përditshmja gjermane “Der Spiegel” ka botuar sot një artikull në të cilin akuzohet inteligjenca izraelite se ka përgjuar sekretarin amerikan John Kerry gjatë bisedimeve për paqe në Lindjen e Mesme. Sipas gazetës, përgjimet kishin si qëllim informimin e kryeministrit Benyamin Netanyahu në lidhje me palestinezët dhe shtetet e tjera të përfshirë në bisedime.
 
“Der Spiegel” shton se ky zbulim pritet të dëmtojë më tepër marrëdhëniet tashmë të tensionuara midis qeverisë së SHBA-së dhe Izraelit.
 
Sipas saj, sekretari Kerry, gjatë përpjekjeve të tij diplomatike ka bërë disa telefonata me homologët e tij, jo vetëm në linja të koduara, por edhe me telefona normalë, sinjalet satelitore të të cilëve ishin kapur nga shërbimi sekret izraelit për të furnizuar qeverinë me informacione mbi qëllimet e bisedimeve.
 
Vetëm një javë më parë Kerry fluturoi drejt Izraelit për të ndërmjetësuar një armëpushim mes Izraelit dhe Hamas që siç duket, kanë dështuar. “Në konfliktin aktual në Gaza, izraelitët kanë kritikuar masivisht Kerryn duke i bërë thirrje në mënyrë të tërthortë që të tërhiqet nga bisedimet për paqe”, shkruan Der Spiegel.
 
Pas këtyre veprimeve, marrëdhëniet midis Kerry-t dhe kryeministrit izraelit Benyamin Netanyahu janë ende të tensionuara. Megjithatë, “Der Spiegel” thekson se nuk ka dyshime për mbështetjen kryesore që SHBA i jep Izraelit. Të hënën, kongresi amerikan votoi një fond prej 225 milion dollarësh për forcimin e sistemit të mbrojtjes raketore të Izraelit.


Redaksia Online
(a.h/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

New York Times: Vuçiç 'sakrifikoi' kryeministrin që të fitojë kohë

New York Times: Vuçiç 'sakrifikoi' kryeministrin që të fitojë kohë

28 Janar, 22:32