Tirana pret të dielën në Air Albania Partizanin, në derbin e dytë për këtë sezon, ku synon jo vetëm hakmarrjen, por edhe shkurtimin e diferencës së pikëve. Ndeshja më e lakmuar e futbollit shqiptar do të nisë në orën 19:00, ndërsa te bardheblutë nuk llogarisin asgjë tjetër veçse fitores.
“Nuk diskutohet që ne do japim maksimumin për të arritur tre pikët. Japin një bonus psikologjik skuadrës dhe një shtysë për të ecur para,”-u shpreh Julian Ahmataj, trajner i Tiranës.
Lajmi i mirë te Tirana para derbit është rikuperimi i golashënuesit Florent Hasani, por gjithsesi grupi s’do jetë i plotë.
“Patricu e ka humbur ndeshjen sepse ka pësuar një dëmtim dhe do ekzaminohet në ditët në vijim,”-tha Julian Ahmataj, trajner i Tiranës.
Derbin e parë Partizani e fitoi 2-1 në limite, ndërsa kampionët në fuqi në këtë përballje vijnë me 7 pikë më shumë se rivalët e qytetit.
Ndërkohë java e 15 e Superligës nisi me fitoren e pastër 3-0 të Egnatias kundër Vllaznisë. Rrogozhinasit me këtë sukses ruajnë të paktën edhe për 1 javë kreun e kampionatit, ndërsa shkodranët janë rikthyer shpejt tek humbjet pas fitores që morën me Teutën.
Policia e Tiranës ka publikuar planin e masave që do të ndërmerren ditën e nesërme gjatë ndeshjes Tirana-Partizani. Perimetri i sigurisë do të jetë më i gjerë sesa ambientet e stadiumit.
Segmentet rrugore që do të jenë të bllokuara, nga ora 17:00 deri në përfundim të aktivitetit, janë:
– Rruga “Lek Dukagjini”, përreth stadiumit, rruga “Dervish Hima”, rruga “Gjergj Filipi”, rruga “Papa Gjon Pali II”, nga kryqëzimi me rrugën “Ismail Qemali” deri tek stadiumi “Air Albania”, bulevardi "Dëshmorët e Kombit", nga Presidenca deri te sheshi "Nënë Tereza".
Rrugëkalimet e tifozëve do të jenë si më poshtë:
– Lëvizja e tifozëve të Tiranës do të bëhet nga sheshi "Skënderbej", bulevardi "Dëshmorët e Kombit, rruga "Bajram Curri", ETC, Rruga "Papa Gjon Pali II", COIN - stadium;
– Lëvizja e tifozëve të Partizanit do të bëhet nga kryqëzimi i rrugës "Muhamet Gjollesha" me rrugën "Artan Lenja", përgjatë rrugës "Muhamet Gjollesha", rruga "Sulejman Delvina", “Libri Universitar”, pas Presidencës, sheshi "Frederik Shopen", shkallët e universitetit, MAK Albania - stadium.
Policia do të garantojë dhe do të sigurojë lëvizjen e tifozëve përgjatë rrugëkalimeve të caktuara dhe nuk do të lejojë grumbullim apo kalim të tifozëve, jashtë itinerarit të caktuar.
Policia bën me dije se, do të ushtrohen kontrolle rigoroze ndaj tifozëve, para hyrjes në stadium, për sende të kundërligjshme (sende të forta, bidonë uji, çadra, çelësa metalik apo lëndë piroteknike etj). Çdo tifoz duhet të jetë i pajisur me dokument identifikimi.
Nuk do të lejohen të futen në stadium persona pa dokument identifikimi, si dhe fëmijët nën moshën 16 vjeç, pavarsisht se mund të jenë të pajisur me bileta, nuk do të lejohen pa praninë e prindit apo kujdestarit (shoqëruar me dokument).
Lajme të tjera
-
Superliga nis aktin e fundit për 2024, fitojnë Partizani dhe AF Elbasani! ‘Demat’ momentalisht në krye
20 Dhjetor, 22:15 -
Zgjedhjet e 2025/ Berisha i ankohet Këshillit të Diasporës për qeverinë dhe Sorosin: Gjyqe politike ndaj opozitës, qeveri teknike për garantimin e votës së emigrantëve
20 Dhjetor, 15:19 -
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Prag Partizani-Vllaznia, trajneri i shkodranëve: Ndeshja më e madhe deri më tani! Gjoka: Është momenti i Skënderbeut
19 Dhjetor, 15:51 -
Ambasada e SHBA tha se nuk do punonte me persona 'non grata'/ Berisha: E shkroi Yuri Kim! Pëllumbesha Spirogjoka trembet nga 5 milionshi
19 Dhjetor, 13:05 -
Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit
18 Dhjetor, 13:40 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Berisha i sulmon të gjithë: Blinken grusht shteti ndaj opozitës me Dumanin, Soros monstër, Lu dhe Vlahutin ushtarë të tij! Unë me një apartament, kreu i SKAP ka tre
16 Dhjetor, 13:02 -
Prej 3 vitesh 'non grata' nga SHBA, Berisha fantazon: Do heq vizat me Amerikën për të gjithë shqiptarët
15 Dhjetor, 18:43 -
Superliga/ Tirana në pikë të hallit, Dinamo e mposht 2-1 në derbi dhe merr kreun! AF Elbasani ndal 2-2 Partizanin në kryeqytet, Vllaznia fiton kundër Laçit
14 Dhjetor, 21:08 -
Berisha mbledh Këshillin Kombëtar, i 'var' shpresat te Trump! Lajmëron protestën tjetër, kryetari i PD-së: Në 23 dhjetor bllokojmë totalisht Tiranën
13 Dhjetor, 21:05
