POP 5

Lajmet më të lexuara të 5 minutave të fundit

Kronikë

Derri i egër zbulon shqiptarin që vrau biznesmenin grek

Policia greke ka zbardhur vrasjen e Aleksandro Stamatiadhi, biznesmenit grek të ekzekutuar një vit më parë gjatë një grabitjeje me armë në banesën e tij.

Derri i egër zbulon shqiptarin që vrau biznesmenin grek

Policia greke ka zbardhur vrasjen e biznesmenit Aleksandro Stamatiadi të ndodhur një vit më parë gjatë grabitjes në banesën e tij në Athinë. Autori rezulton se është një shqiptar, i cili u arrestua në Belgjikë të mërkurën në koordinim me autoritetet greke. Ai përdorte kartë identiteti greke me emër të rremë. Megjithatë, media greke “Zougla” ka botuar mbrëmjen e sotme foto të shqiptarit të arrestuar në Belgjikë, emri i të cilit është Genci P. Shqiptari është zbuluar nga njollat e gjakut të derrit të egër.

Lidhja mes fakteve

Në makinën që grabitësit dhe vrasësit e biznesmenit kishin braktisur, hetuesit grekë gjetën njolla gjaku. Analizat laboratorike konfirmuan se ato i përkisnin një derri të egër. Hetimet intensive të autoriteteve zbuluan në rrjetet sociale foto të shqiptarit Genci P. me derra të egër, i cili mesa duket e kishte pasion gjuetinë. Mbledhja e provave të tjera dhe testet shkencore laboratorike bindën policinë e Athinës se shqiptari është i përfshirë në vrasjen e biznesmenit Stamatiadi. Referuar këtyre provave, edhe në frigoriferin e banesës së shqiptarit u gjetën pjesë të derrave të egër që Genci P. gjuante vazhdimisht.

Nga hetimet e deritanishme, autoritetet deklarojnë se shqiptari ka qenë në banesën e biznesmenit kur u vra gjatë grabitjes, madje dyshohet se ka qenë ai personi që e qëlloi tre herë me armën e gjahut. Sipas hetuesve, Genci P. e kishte kuptuar që policia greke kishte rënë në gjurmën e tij dhe për këtë arsye ishte arratisur drejt Belgjikës me dokumente të falsifikuara. Destinacioni i tij përfundimtar dyshohet se ishte Britania e Madhe. Të përfshirë në vrasjen e biznesmenit janë edhe 3 shqiptarë të tjerë, të cilët janë identifikuar nga autoritetet greke, por mendohet se janë arratisur nga vendi. Ka dyshime se mund të fshihen në Shqipëri.

Genci P. duket se ka qenë person i njohur për komunitetin e shqiptarëve në Athinë. Ai kishte një kompani përmes të cilës organizonte koncerte me këngëtarë shqiptarë në të gjithë Greqinë. Këtë kompani, policia dyshon se ai e përdorte për të pastruar paratë nga aktiviteti kriminal i tregtisë së drogës dhe grabitjeve. Genci P. është person me precedent penal dhe ka qenë i dënuar më parë

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mustafai: 14/02/2019 16:57

    Normal bjeri me shqiptarit ia ka bo te gjitha pa prova pa gjo bjeri derrit se njeri pa njeri esht ah mor genc e hongre dhe ti

    Përgjigju
  • Selimi: 14/02/2019 16:00

    Ne djall te shkosh o Genci.keni shkatarruar imazhin e shqipetareve te ndershem ne gjithe boten.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

25 Dhjetor, 18:28