Dëshmi të reja për 30-vjeçarin i zhdukur në gusht/ Zhvendoset pista e kërkimeve, nga Saranda në Shkodër

TIRANË- Emisioni ''Pa gjurmë'' vijon ende kërkimet për gjetjen e Maradona Ibrahimit, që u zhduk 4 muaj më parë nga Gjirokastra. Të tjera informacione erdhën gjatë transmetimit "live" këtë të mërkurë, ndërsa zhvendoset pista e kërkimeve nga jugu në veri.

Saranda ishte qyteti i parë ku u dyshua se ndodhej 30-vjecari, pistë e cila u hodh poshtë këtë të mërkurë për shkak të informacioneve të fundit për një vendndodhje të mundshme të tij në Shkodër. Apelit të nënës në studio i janë përgjigjur një grup telefonatash, me anë të të cilave pretendohet se Maradona jeton si endacak në Shkodër. Ai është parë edhe ne lagjen Rus, pranë markatës së peshkut 3 ditë më parë. Ndërsa një qytetar nga Shkodra është i sigurt që të njëjtin person e ka parë dy muaj më parë por në qytetin verior.

"Këtë person ka kohë që e kam parë në lagjen Rus, përpara një muaji e gjysmë. Nuk e kam pyetur për emrin. Ky është, ky person që shoh në foto. Ishte më i dobët se shfaqet këtu. Sillej tek tregu i bagëtive disa herë. Këtë fytyrë e kam parë, në lagjen Rus në rrugë të madhe tek tregu. Është parë disa herë, jo një herë"-tha dëshmitari nga Shkodra.

Pak kohë më parë një dëshmi e mbërritur në Pa gjurmë tregoi se 30-vjecari ishte parë në Sarandë. Mesa duket nga të dhënat më të fundit Maradona lëviz nga një qytet në tjetrin, ende pa patur kontakt me nënën e tij, e cila vijon të bëjë apel në emisionin ''Pa gjurmë''.

30-vjecari Maradona Ibrahimi nga Gjirokastra rezulton i humbur prej datës 1 gusht të këtij viti.  Ai foli për herë të fundit me nënën e tij Marie, duke i thënë se do të shkonte të pinte një kafe tek "Ura e Lumit" në Gjirokastër dhe se do të kthehej në banesë. Një muaj para se të humbte gjurmët, ai pati shfaqur probleme me shëndetin mendor si rezultat i përdorimit të lëndëve narkotike dhe kurohej në Tiranë.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Shembja e urës në Baltimora, gjenden dy trupa të pajetë

Shembja e urës në Baltimora, gjenden dy trupa të pajetë