Interi u mposht të martën 1-3 në Milano nga Arsenali, me "Topçinjtë" që kanë siguruar vendin e parë në fazën e ligës së Champions League dhe një biletë për në fazën e 1/8-ave. Për Interin kjo ishte humbja e tretë radhazi në këtë kompeticion dhe zikaltërit kanë dalë nga zona e tetë skuadrave më të mira.

Me vetëm një raund të mbetur dhe me shumë pikëpyetje, tanimë Interi nuk e ka më fatin në këmbët e veta edhe nëse fiton ndeshjen e fundit kundër Dortmundit në Gjermani.

Pas ndeshjes, trajneri rumun i Interit, Cristian Chivu vlerësoi rivalët dhe tha se Arsenali ka shumë cilësi. Sipas tij Interi mund të kishte marrë diçka më shumë në sfidat e tjera të humbura kundër Liverpoolit dhe Atletico Madridit, por jo mbrëmë kundër Arsenalit.

"Ata ishin më të fortë në aspektin e shpejtësisë, intensitetit dhe leximit të menjëhershëm të lojës", tha trajneri i Interit me admirim të sinqertë për kundërshtarët.

"Ne nuk u përpoqëm sa duhet, në pjesën e parë patëm shanset tona. Nëse do të kishim sjellë diçka më shumë mund ta kishim bërë kundër Liverpoolit dhe Atleticos, nuk mundëm sonte (dje), nuk ishte e mundur, edhe nëse jemi përmirësuar ndërkohë. Ato ndeshje do të kishin përfunduar ndryshe, por jo kjo. 

Ata më impresionuan me cilësinë e tyre teknike, qartësinë dhe mendimin e shpejtë. Dhe agresionin e tyre kurrë të çorganizuar. Ne ishim në gjendje të kundërsulmonim në disa raste, hymë në zonën e tyre të penalltisë, por për sa i përket cilësisë kolektive, Arsenali është në krye.

Ata janë superiorë dhe le të mos e konsiderojmë fare se sa shpenzuan për të arritur atje. Nuk është rastësi që ata janë në krye të Premier League. Ne nuk jemi në atë nivel në Itali. Duke thënë këtë, e di që lojtarët e mi dhanë gjithçka", përfundoi Chivu.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Mars, 08:12

    Rritja e çmimit të ushqimeve, a duhet të marrë masa qeveria për të mbrojtur konsumatorët?

Lajme të tjera