Detaje nga ekzekutimi në Lezhë, në telefonin e efektivit të FNSH-së s'janë gjetur thirrje dhe mesazhe, dyshohet se i fshinte! Aparati celular dërgohet për analizim

Detaje të reja dalin në pah nga ekzekutimi me armë zjarri i efektivit të policisë Xhulio Prela, mëngjesin e së shtunës në autostradën Lezhë-Milot.

Sipas burimeve nga kontrolli i telefonit të viktimës nuk janë gjetur thirrje dhe mesazhe, pasi Xhulio Prela i fshinte. Kësisoj aparati celular i tij është dërguar për analizim të specializuar.

Ndërkohë referuar dinamikes së ngjarjes dyshimet janë se efektivi i policisë ka komunikuar në telefon para se të vritej, pasi ndonëse kishte përshkuar disa metra rrugë në drejtim të Tiranës është kthyer sërish në vendin ku po e prisnin autorët pranë fshatit Gajush të Lezhës.

Kamera e sigurisë e një biznesi pranë vendit të ngjarjes ka fokusuar momentin kur Xhulio Prela është afruar dhe ka biseduar me njërin nga personat që ndodheshin aty dhe më pas është qëlluar me armë zjarri.

Pavarësisht kësaj ende nuk ka një autor kjo ngjarje pasi nga kamerat nuk identifikohen autorët.

Lajmi kryesor:

Lezhë/ Ekzekutimi i efektivit të FNSH, kamerat kapin momentin Prela i afrohet autorëve dhe e qëllojnë! Telefonata që e ktheu nga rruga viktimën

TAG:
• Britani e Madhe
• Lezhe
• xhulio prela
• vrasja e xhulio preles
• martin prela