POP 5

Lajmet më të lexuara të 5 minutave të fundit

Ekonomi

Dhoma Italiane e Tregtisë: Gjendja e biznesit e rënduar! Qeveria të mos fokusohet tek debatet politike

Pas përgjysmimit të rritjes ekonomike, Dhoma Italiane e Tregtisë në Tiranë, kërkon që qeveria të ndërhyjë menjëherë pasi klima e biznesit është përkeqësuar. Në një deklaratë për mediat ata shprehen se bizneset italiane po japin sinjale negative, për ecurinë e tyre.

TIRANE - Dhoma e Tregtisë Italiane dhe Shoqata e Industrialistëve Italian në Shqipëri kanë ngritur shqetësimin e tyre për ngadalësimin e ritmit të rritjes ekonomike për 6 muaj radhazi. Duke iu referuar shifrave të publikuara nga INSTAT ku ekonomia e vendit nga mbi 4% në vitin 2018 ka zbritur në rreth 2% këtë vit, ata kërkojnë ndërhyrjen e qeverisë në përmirësimin e klimës së biznesit. Sipas deklaratës së tyre bizneset italiane dhe jo vetëm po japin sinjale negative pasi shumë gjëra nuk po funksionojnë siç duhet.

“E vërteta shqetësuese është se shifrat në fjalë varen edhe nga një përkeqësim progresiv i klimës së biznesit që është rënduar edhe më shumë këtë vitin e fundit. Shumica e bizneseve italiane dhe ato të huaja në përgjithësi, ashtu si dhe firmat shqiptare, japin sinjalin se shumë gjëra nuk po funksionojnë ashtu siç është premtuar. Funksionimi i administratës publike gjithashtu ka krijuar shqetësim ndër investitorët, të cilët janë tashmë të lodhur nga nëpunësit publikë që kanë tendencën t’u shmangen vendimeve për të cilat ata do të duhej të ishin kompetentë, si dhe çdo lloj forme dialogu konstruktiv dhe të vazhdueshëm me bizneset; biznesi has vështirësi të dukshme në gjetjen e bashkëbiseduesve kompetentë dhe vetëm rrallë herë merr përgjigjet e duhura” , citohet në letër.

Reagimi i tyre vazhdon edhe më tej duke thënë se vëmendja e institucioneve duket se përqendrohet vetëm në debatet politike, pa u thelluar në analizën e shkaqeve të vërteta të ngadalësimit ekonomik. Sipas këtyre dy institucioneve italiane qeveria duhet të angazhohet menjëherë në vazhdimin e reformave dhe në përmirësimin e mjedisit të biznesit në respekt të rregullave të drejta.

Komunikata e Dhomës Italiane së Tregtisë 

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça