TIRANE - Kryeministri Edi Rama ka reaguar pas publikimit të videos ku shihen dy efektivë të policisë së Korçës duke dhunuar një qytetar, para syve të zëvendësdrejtorit Arben Hyseni.
 
Përme një postimi në rrjetet sociale, kryeministri Rama ka falenderuar qytetarët për filmimin e ngjarjes dhe të dhunës, dhe që çoi në denoncimin e asaj që shefi i qeverisë e cilëson si një sjellje të patolerueshme të patrullës së policisë.
 
Në këtë kontekst Rama duke kërkuar edhe mbështetjen dhe denoncimin e qytetarëve u bën thirrje atyre që të denoncojnë sa më shumë raste të tilla.
 
“Faleminderit qytetarit qe me videon e celularit çoi ne ndeshkimin e sjelljes se patolerueshme te patrulles se policise!Sa me shume te tilla!” shkruan Rama
   
Dy efektivët e policisë dhe zëvendësdrejtori Arben Hyseni u pezulluan përkohësisht nga detyra (deri në përfundim të hetimeve).
 
Video e siguruar nga A1 Report dhe e e xhiruar nga qytetarët tregon dhunën e patrullës së policisë ndaj qytetarit.  Televizioni A1 Report u bën thirrje të gjithë qytetarëve që të denoncojnë çdo rast abuzimi në rubrikën Raportoni Ju!

Redaksia Online
(e.c/shqiptarja.com)