POP 5

Lajmet më të lexuara të 5 minutave të fundit

Kronikë

Dhuna ndaj prokurorit, Shoqata: 
Ka presione, duam policë sigurie

Shoqata e Prokurorëve i kërkon Drejtorisë së Përgjithshme  të Burgjeve të marrë masa për  t`iu  garantuar siguri  maksimale prokurorëve dhe oficerëve të policisë gjyqësore,  kur ato ndodhen në ambjentet e institucioneve të paraburgimit dhe të vuajtjes së dënimit.
Dhuna ndaj prokurorit, Shoqata: <br />Ka presione, duam policë sigurie
Shoqata e Prokurorëve të Shqipërisë ka dënuar ngjarjen e djeshme të ndodhur në burgun e Shënkollit, ku u godit në krye të detyrës prokurori Ervin Beqiri nga një i dënuar. Shoqata e Prokurorëve i kërkon Drejtorisë së Përgjithshme  të Burgjeve të marrë masa për  t`iu  garantuar siguri  maksimale prokurorëve dhe oficerëve të policisë gjyqësore,  kur ato ndodhen në ambjentet e institucioneve të paraburgimit dhe të vuajtjes së dënimit.
 
 
“Raste të tilla duhet të ndëshkohen në mënyrën më të ashpër ligjore, pasi akti i djeshëm është  dhunim i hapur i përfaqësuesit të shtetit.  Ngjarja e djeshme e dhunës fizike nuk është një rast i izoluar, pasi kohët e fundit prokurorët po përballen me presione verbale nga individë, grupe të strukturuara kriminale  madje  dhe segmente të ndryshme të politikës”, theksohet në reagimin e Shoqatës  së Prokurorëve.
 
 
Gjithashtu kërkohet që prokurorët të kenë një trupë policore sigurie, pjesë  përbërëse e strukturës së Prokurorisë së Përgjithshme, pasi procedura aktuale e marrjes nën mbrojtje të prokurorëve nuk është funksionale. Shoqata kërkon mbrojtja fizike të prokurorëve përpara se atyre  t`iu rrezikohet jeta.
 


Redaksia Online
(g.f/shqiptarja.com)

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

Vritet me thikë një 60-vjeçare shqiptare në Itali, arrestohet bashkëshorti i saj

Vritet me thikë një 60-vjeçare shqiptare në Itali, arrestohet bashkëshorti i saj

31 Mars, 08:08