Dhuna në protestën e opozitës ka sjellë reagimet e krerëve të shtetit. Presidenti Ilir Meta ka kërkuar vetëpërmbajtje nga protestuesit e opozitës. Ndërsa nga Vlora, pas përfundimit të takimit, kryeministri Edi Rama përmes një postimi në rrjetet sociale e cilëson protestën e opozitës si politikë të dalë boje.
Zëvendëskryeministri Erion Braçe ka komentuar protestën e opozitës së bashkuar e cila u mbajt këtë të shtunë para Kryeministrisë.
Duke bërë një krahasim mes protestës së ditës së sotme, me atë të 21 Janarit të vitit 2011-të, Braçe shprehet se tentativa e Bashës dhe Berishës për të kthyer një 21 janar të dytë duke nxitur njerëzit për t'u rrahur e për t'u vrarë rezultoi sot vetëm një dështim i pastër.
Përmes një postimi në rrjetin social zv. kryeministri Braçe evidenton shkatërrimin dhe dëmtimin e ambientit , ndërsa shprehet se mes dhunës së rrugës dhe ligjit, është ky i fundit që fiton gjithmonë.
Postimi i plotë i Erion Braçes:
21 JANARI VS 16 SHKURTI;
TENTATIVA E SALI BERISHES,
LULZIM BASHES PER TU RRAHUR E, PER TU VRARE SOT!
DESHTIMI PER TE MARRE PUSHTETIN ME DHUNE!
Tani qe dhuna e rruges mbaroi,dua te them disa fjale per cilindo;
Ne 21 Janar kishte Gardh, Rregullore te Gradhit, Rregullore te Bulevardit;
Ne 16 Shkurt nuk kishte asgje, zero, as gardh e as rregullore;
Ne 21Janar kishte police, forca speciale deri tek Renea, snajper, gardiste dhe paramilitare;
Ne 16Shkurt nuk kishte asnje sherbyes shteti me arme, pistolete, kallashnikove, Mp5, snajper, zero;
Ne 21Janar u qiten 4000 plumba, mbajeni mend, 4000 plumba;
Ne 16Shkurt asnje, zero, asnje shkrehje arme, asnje plumb;
Ne 21Janar u vrane 4 qytetare paqesore, u plagos nje gazetar, u plagosen mbi 32 qytetare te tjere;
Ne 16 Shkurt nuk eshte lenduar askush, as qe u prek me dore kush, zero, asnje;
Ne 21 Janar provat e krimit, nga gezhojat ne bulevard e kryeministri deri tek pamjet e kamerave, serverat e tyre u zhduken, prokuroria u ndalua te hetoje;
Ne 16 Shkurt jane te gjitha ne vend, e gjithe zona para kryeministrise po i jepet prokurorise, bashke me pamjet filmike, serverat po ashtu;
NE NUK KEMI ASGJE PER TE FSHEHUR!
Keto jane dy bote;
Njera e ligjit dhe, tjetra e dhunes se rruges!
Dua ti them cdo qytetari se kurre,
kurre ne nuk do te tejkalojme ligjin,duke marre jete kundershtaresh! Kurre! Sali Berisha e kuptoi kete sot; Erdhi verdalle ne ate shesh me besimin e forte se do te nxiste, provokonte e me ne fund
do merrte pas ate qe donte,nje akt dhune, nje plagosje, nje vrasje ne radhet e kundershtareve,
NUK JA DOLI!
Ne ate bulevard, ka vec dy vrases dhe keshtu do jete deri ne fund;
Sali Berisha dhe Lulzim Basha! Cilido nga kundershtaret tane politike, nga ata qe nuk kane parti e kundershtojne politikat tona deri tek anetari i fundit i PD, te jete i qete, NE NUK IMARRIM KUJT JETEN!
I keqardhur per cdo kundershtar paqesor qe ishte sot ne bulevard e qe eshte ndjere keq nga paisjet e policise,
por duhet te jem i qarte,gjithcka erdhi si pasoje e nje grupi prej 200 vetesh, te dhunshem deri barbar,te komanduar politikisht e me synim te qarte per te sulmuar godinen e Qeverise, marre pushtetin me dhune! Si perhere!
Kryetarja e Komisionit të Sigurisë Kombëtare, Ermonela Felaj e ftuar në studion e Report Tv, deklaroi se të gjithë ata që sulmuan Kryeministrinë do të mbajnë përgjegjësi të plotë një për një. Ajo e cilësoi protestën si rrugaçërore, ndërsa i kërkoi Bashës dhe Kryemadhit që të mbajnë premtimin dhe të largohen, pasi më parë kishin thënë se nëse nuk largonin Ramën do të largoheshin vetë.
"Askush nuk ka për t'i shpëtuar përgjegjësisë së ligjit për atë që ka ndodhur sot. Politikanë që kurrë nuk u ngopën me pushtet dhe e vetmja gjë që dinë të bëjnë është që të ndërsejnë turmën për dhunë dhe gjak. Jeta e punonjësve të policisë u rrezikua disa herë, pa llogaritur që brenda ishin njerëz që mund të asfiksoheshin, por policia e menaxhoi shumë mirë. Prania e qytetarëve në Vlorë është fytyra e qytetarisë së vërtetë. Kjo është diferenca mes protestës qytetare dhe asaj rrugaçërore. Kur u vra Hekuran Deda në 21 Janar ambulanca kurrë nuk erdhi, ndërsa sot ambulanca ishte aty.
Në 21 Janar makinat me ujë dhe gaz lotsjellës u futën mes turmës pa paralajmërim, ndërsa sot ndodhi e kundërta. Policia dhe garda ruajnë institucionet e rëndësisë së veçantë dhe masat kanë qenë po ato që vërejmë cdo ditë, ndërsa te Kryeministria kanë qenë të shtuara. Basha dhe Kryemadhi kishin thënë se do të largoheshin nga drejtimi i partive politike nëse nuk largonin Ramën sot dhe le ta bëjnë. Gjatë protestës Basha dhe Kryemadhi u larguan nga godina, duke bërë sehir dhe duke i nxitur" deklaroi Felaj.
Në përfundim të protestës së opozitës ditën e sotme, kryeministri Edi Rama përmes një postimi në rrjetet sociale shkruan se vlonjatët i ritreguan Shqipërisë anën e duhur të historisë duke dënuar atë që ndodhi në protestën e opozitës në Tiranë. "Për Protestuesit:Eshtë faji i atyre që ju tërheqin nga hunda apo juaji që akoma i ndiqni pas ata udhëhumbur?Për Vlonjatët:Sot ju i ritreguat Shqipërisë atë që dini më mirë,anën e duhur të historisë! Për Policinë e Shtetit:Ishte dita për të bërë dallimin e madh.Ju e bëtë! Respekt" thotë ai. Rama ishte në Vlorë në një takim me qytetarët gjatë kohës që në Tiranë po zhvillohej protesta (lexo ketu).
Protesta e ditës së sotme ka zgjatur për rreth 5 orë ku protestues të dhunshëm, sulmuan ambientet para Kryeministrisë duke hedhur kapsollë, tymues dhe duke tentuar të futen brenda godinës.
Ajo që mbeti pas ishin pemë të thyera, pllaka trotuari të hequra për të goditur kryeministrinë dhe punonjësit e policisë, dhe një pirg i madh me mbetje plastike nga ushqimet e konsumuara gjatë protestës.
Përmes një statusi ka reaguar edhe Kryetari i Bashkisë së Tiranës Erion Veliaj, i cili ka falënderuar qytetarët e Tiranës që u distancuan nga dhuna. Duke kërkuar ndalimin e vandalizimit të qytetit nga protestuesit e dhunshëm, Veliaj siguron se do të rikuperohet çdo dëmtim i bërë qytetit.
“Po pse o pse? Ca ju beri pema, lulja, bulevardi, arti, pastërtia, e bukura, e mira? Do t'i rikuperojmë në kohë rekord, por Tirana nuk harron - s'ka më kthim pas tek huri e druri! Mirënjohje kryeqytetit që u distancua nga ekskursioni i dhunës! #MosVandalizoTiranën “, shkruan Veliaj.
Zv. ministrja e Brendshme, Rovena Voda e ftuar në studion e Report Tv, ka folur rreth protestës së opozitës të zhvilluar para Kryeministrisë. Voda ka thënë se policia nuk ka përdorur dhunë ndaj protestuesve.
“Në retorikën e Bashës nuk ka asgjë të re, është për të ardhur keq, kanë qënë të gjithë ministra kanë pasur gjithçka në dorë dhe nuk kanë bërë asgjë për popullin. Policia nuk përdori dhunë ndaj protestuesve. Policia është një hap minus ndaj protestuesve. Polica e Shtetit nuk përdori dhunë. Këto pamje nuk duhet t’i përkasin Shqipërisë së vitit 2019”, tha Voda.
Kryetari i Grupit Parlamentar të Partisë Socialiste, Taulant Balla ka postruar një foto, ku shikohet ish-kryeministri, Sali Berisha në shoqërinë e disa personave, të cilët sipas Ballës janë të skeduar nga policitë e vendeve partnere për trafikantë droge.
"Sali Berisha paske përfunduar të të shoqërojnë persona të skeduar nga policitë e vendeve partnere për trafikante droge. Mjaft dhe urdhëra për dhunë! Nuk ndalet Drejtësia e Re as nga ti, as nga Luli, as nga Mona e as nga punonjësit e Xhelal Mziut' thotë Balla.
Fotoja qe eshte publikuar nga Taulant Balla
Kryeministri Edi Rama ka reaguar sërish në rrjetet sociale për atë që po ndodh para Kryeministrisë. Protestuesit shkatërruan hyrjen para Kryeministrisë dhe instalacionin e "Kërpudhës" së vendosur në kopshtin e selisë së qeverisë, ndërsa Rama thotë se kjo nuk është Shqipëria dhe shqiptarët nuk janë këta. "KEPURDHA - Vepër e Carsten Holler, dhuruar Kryeministrisë pas një vizite të tij në vendin tonë, pas së cilës artisti i famshëm bashkëkohor është kthyer në një ambasador të Shqipërisë e të shqiptarëve! Ndjesë Carsten, kjo nuk është Shqipëria dhe shqiptarët nuk janë këta" thotë Rama.
Kërpudha e shkaterruar qe ishte te Kryeministrisë
Pas incidenteve që kanë shoqëruar protestën e opozitës, ka reaguar edhe Ministri i Brendshëm, Sandër Lleshaj. Ai i ka bërë thirrje drejtuesve politikë dhe qytetarëve të distancohen nga dhuna.
Fjala e plotë e Lleshajt:
"Bëj thirrje gjithë drejtuesve politikë që të distancohen nga dhuna që po ushtrohet ndaj institucioneve të Shqipërisë. Ftoj qytetarët të distancohen nga elementët e dhunshëm. Është me shumë vlerë të dëgjohet zëri i arsyeshëm i miqve të mëdhenj të Shqipërisë.
Jo dhuna, por arsyeja na afron drejt Europës së vlerave tona", përfundoi Lleshaj.
Kryeministri Edi Rama pas përfundimit të takimit në Vlorë me qytetarët ka komentuar atë që po ndodh në Tiranë në protestën e opozitës. Ai e cilëson dhunën në protestën e opozitës, si politikë të dalë boje. "Bashkëqeverisja me njerëzit në Vlorë dhe Politika e dalë boje në Tiranë" shkruan Rama në krahasimin që bën mes dy fotove të asaj që ndodhi në Vlorë dhe asaj që po ndodh në Tiranë.
Presidenti i Republikës Ilir Meta ka reaguar pas konfrontimit që ka ndodhur mes policisë dhe protestuesve përballë kryeministrisë. Ai ka bërë thirrje për vetëmpërmbajtje dhe evitim të dhunës.
"Duhet vetepermbajtje nga te gjithe per evitimin e konfrontimeve e dhunes.Ndersa qytetaret duhet te protestojne te lire duhet te respektohen institucionet", përfundoi Meta
Komente
Lajme të tjera
-
Ilir Meta ‘ndjek’ Ramën nga burgu: Ekzaltimi fals i kryeministrit për negociatat, procesi duhej të ishte mbyllur prej kohësh
1 Nëntor, 19:00 -
Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet
1 Nëntor, 17:58 -
A do të bëhej avokat i Ilir Metës? Adriatik Lapaj: S'marr përsipër të përfaqësoj asnjë politikan të akuzuar për korrupsion (VIDEO)
1 Nëntor, 15:01 -
Ylli Pata: Modeli ballkanik i partive të liderëve të burgosur
31 Tetor, 20:16
-
Meta nga burgu: Arrestim im bandidesk për të më izoluar! Provat janë në telefonin e sekuestruar të ish gruas time dhe grupit të saj të ngushtë
30 Tetor, 18:03 -
Nën akuzë për korrupsion, Piro Xhixho paraqitet në SPAK për masën detyrim paraqitjeje (VIDEO)
30 Tetor, 11:19 -
Meta në burg për lobimin në SHBA e dosja CEZ- DIA, Tezja e Kryemadhit tërheq vendimin e GJKKO-së
29 Tetor, 14:24
-
Ylli Pata: Pse Ilir Meta e quan veten si Aldo Moro? Po cili ishte 'kompromisi historik i Likes'?
29 Tetor, 08:02
-
Spahiu: Meta gënjen, Rama s’e futi në burg por e shpëtoi 10 vjet duke e bërë President dhe Kryetar Kuvendi
29 Tetor, 07:35 -
Meta në burg, Ngjela për Report Tv: SPAK po godet në nivelet e larta! Shqiptarët s'e duan korrupsionin, s'pati revolta për arrestimin e dy liderëve të opozitës
28 Tetor, 18:28 -
Letra e Metës nga burgu, Anri Bala: Deklarata patetike! Edvin Kulluri: Bllokimi rrugëve nga PD? Do i plasin shpirtin njerëzve
28 Tetor, 18:01 -
Një javë pas arrestimit, Meta reagon nga burgu: U rrëmbeva nga mafia në pushtet! Me deklarimin e pasurisë dhe shpenzimet shëndetësore merrej ish-gruaja ime
28 Tetor, 17:25
Shifeni bodygauradin e Saliut me shall me flamurin serb ne qafe. Shikojeni shikojeni dhe ju te SHIK dhe ju te prokurorise dhe ju o qyterare se kushdo mund ta padise ate antishqiptar te papare.
PërgjigjuKjo proteste nuk eshte demokratike dhe se me presione dhe shkaterrim kurre nuk vihet ne pushtet . Do mbaroj kjo proteste e dhuneshme ,dhe pergjegjesit para drejtesise . Cfar u fitua
PërgjigjuNuk e kuptojme cbene prokurorja e Pergjithshme perse nuk arrestohet Berisha dhe Basha per nxitje te dhunes ceshte kjo qe sben detyren
Përgjigju