Bashkimi Evropian vazhdon konsultimet rreth procesit të bisedimeve, edhepse nuk ka ndonjë datë të caktuar për fillimin e bisedimeve ndërmjet Kosovës e Serbisë.

Pavarësisht se zyrtarët e Bashkimit Evropian thonë se nuk është parashikuar ndonjë takim paraprak ndërmjet kryeministrit Hashim Thaçi dhe kryetarit serb Tomislav Nikoliç, Maja Kocijanciq ka deklaruar për takime të veçanta të baroneshës Ashton me Thaçin dhe Nikoliçin. 

Sipas saj, përfaqësuesja e lartë do të takohet me ta në margjina të Asamblesë së Përgjithshme të OKB-së, që do të mbahet të martën.