POP 5

Lajmet më të lexuara të 5 minutave të fundit

Kosova & Rajoni

Dialogu në Bruksel, Mogherini: Të shmangen tensionet! Thaçi: Paqja në Ballkan, kur Serbia të njohë Kosovën

Presidenti i Kosovës Hashim Thaçi e ka quajtur korrekte dhe profesionale punën e sotme në Bruksel të ekipit shtetëror në dialogun me Serbinë që kryesohet nga Shpend Ahmeti dhe Fatmir Limaj.

Dialogu në Bruksel, Mogherini: Të shmangen tensionet! Thaçi: Paqja në Ballkan, kur Serbia të njohë Kosovën

Federica Mogherini dhe Hashim Thaçi

Përfaqësuesja e Lartë e Bashkimit Evropian Federica Mogherini ka folur pas takimit sot në Bruksel me delegacionin nga Kosova. Mogherini ka thënë se “duhet të krijohet një klimë që i kontribuon fqinjësisë së mirë, ku marrëveshjet e arritura në të kaluarën duhet të respektohen e implementohen dhe veprimet dhe deklaratat që nuk janë në pajtim me interesin e përgjithshëm dhe objektivat strategjikë për rajonin duhet të shmangen”.

Ndërsa Presidenti i Kosovës Hashim Thaçi e ka quajtur korrekte dhe profesionale punën e sotme në Bruksel. Sipas Thaçit njohja e Kosovës nga Serbia dhe anëtarësimi në Kombet e Bashkuara janë objektiv i Prishtinës. “E përgëzoj delegacionin shtetëror për dialogun, për prezantimin korrekt, unik dhe profesional në Bruksel, në kuadër të fazës përfundimtare të dialogut Kosovë-Serbi.

Njohja e Kosovës nga Serbia dhe anëtarësimi në Kombet e Bashkuara është objektivi ynë. Marrëveshja përfundimtare dhe gjithëpërfshirëse në mes Kosovës dhe Serbisë do të sjellë më shumë paqe e stabilitet për vendet tona dhe për tërë rajonin”tha ai. Pala kosovare ishte e pranishme në takimin me Mogherinin, ndërsa Serbia ka vendosur bojkotimin e saj për shkak të taksës 100 % mbi mallrat e saj që hyjnë në Kosovë (lexo këtu). 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50