Diaspora e Kosovës edhe këtë vit ka vazhduar të jetë kontribuese për Kosovën. Sipas Bankës Qendrore të Kosovës (BQK), për gjashtëmujorin e parë të këtij viti, ka rritje të dërgesave nga mërgimtarët.
Besnik Kada nga Banka Qendrore e Kosovës (BQK), tha për RTKlive, se gjatë periudhës janar-qershor 2023, shuma e remitancave është 632 milionë e 900 mijë euro.
“Krahasuar me 555 milionë e 400 mijë euro në vitin 2022, pra kemi një rritje prej 77.5 milionë euro më shumë, krahasuar me gjashtë mujorin e njëjtë të vitit paraprak”, tha Kada.
Ai bëri me dije se shteti nga i cili më së shumti janë regjistruar remitancat është Gjermania.
“Në tremujorin e parë të këtij viti nga Gjermania kanë ardhur 38.8 milionë Euro, në ndërkohë vitin e kaluar, pra gjatë 12 muajve nga Gjermania kanë ardhur 161.5 milionë euro. Në ndërkohë nga Zvicra në tremujorin e parë kanë ardhur 17.2 milionë, pasuar nga SHBA-të me 7.6 milionë euro, Austria dhe Italia me nga 4.8 milionë secila e kështu me radhë”, deklaroi ai.
Kurse, njohësi i ekonomisë, Safet Gerxhaliu, tha se me të dhënat e fundit nga BQK-ja, ku shihet se ka rritje të remitancave edhe njëherë dëshmohet se po vazhdon edhe më tutje solidarizimi i diasporës me Kosovën.
“Kur shohim se diaspora ka dërguar ka dërguar, mbi 77 milionë euro më shumë këtë vit, se në vitin 2022, është dëshmi se diaspora është njëra ndër shtyllat kryesore të përkrahjes së Kosovës”, tha ai.
Gërxhaliu kërkoi që të shikohet mundësia që këto mjete të orientohen në zhvillim dhe të mos mbeten vetëm për konsum, por të jenë të kanalizuara në shërbim të zhvillimit dhe rimëkëmbjes ekonomike të Kosovës.
Ai vlerësoi se duhet të ketë më shumë fokus ndaj diasporës që ajo të mos mbetet vetëm si mjet për dërgimin e parave.
Lajme të tjera
-
KQZ: Në 2025 diaspora nuk voton nëse nuk respektohen afatet! Tabaku: Keqardhje që çështja nuk është prioritet i opozitës
31 Tetor 2023, 22:32 -
Emigrantët kërkojnë të votojnë, diaspora prezanton draftin për ndryshimin e Kodit Zgjedhor
8 Shtator 2023, 18:33 -
Mbyllet ‘Agjencia e Diasporës’, gati struktura e re në MEPJ! Zv/ministrja: ristrukturim! Açka: Akt i nxituar! Zhupa: S’u dëgjua pala e prekur
6 Qershor 2023, 16:28
-
Propozimi i paritve politike për zonë të 13-të zgjedhore për votën e emigrantëve, Diaspora për Shqipërinë e Lirë: Jemi kundër, dobëson votën e mbi 1.4 milionë shqiptarëve jashtë vendit
27 Maj 2022, 17:07 -
'Ballkani i Hapur', një shoqatë në diasporë letër Ramës: Të pezullohet marrëveshja, Shqipëria s'duhet të përfshihet në nisma të tilla pa Kosovën
4 Gusht 2021, 22:22 -
Yuri Kim takime me përfaqësues të diasporës shqiptare në SHBA: Të forcojmë demokracinë dhe përthithjen e investimeve amerikane! Delegacioni takohet edhe me Bashën
7 Korrik 2021, 19:32 -
Kim, bashkëbisedim me drejtues të diasporës shqiptare në SHBA: Vijoni kontributin për forcimin e Shqipërisë
19 Qershor 2021, 18:21 -
Kurti me komunitetin shqiptar në Itali: Diaspora ka kontribuar në ekonominë e Kosovës dhe Shqipërisë, por s’ka pasur vëmendjen e institucioneve
11 Prill 2021, 22:49 -
Meta takon zv.kryeministrin e parë të Maqedonisë së Veriut: Dy vendet duhet të fuqizojnë marrëdhëniet
22 Mars 2021, 16:44 -
Për herë të parë emërohen katër oficerë koordinues për Diasporën në Itali dhe Greqi
4 Shtator 2020, 12:26 -
Diaspora kërkon përfaqësim direkt në Parlamentin e ardhshëm, i dërgon letër Ramës, Metës, Majkos dhe KQZ për sigurimin e votës së emigrantëve
4 Shtator 2020, 09:38 -
Qeveria strategji për kthimin e Diasporës, Kulluri: Njëri në 'bunker' e tjetri në vila, sa të jenë këta nuk kanë për t'u kthyer
8 Gusht 2020, 17:40
