DIBER - U akuzua për vjedhjen e dy pulave, por i ndjerë i turpëruar është vetëvarur në mes të fshatit. Kjo ngjarje tragjike u shënua mesditën e së enjtes në fshatin Homezh në Dibër, ku 18-vjeçari Drilon Dema, ka zgjedhur t’i japë fund jetës duke u vetëvarur pranë shkollës së fshatit.

Sipas policisë së Dibrës i riu është gjendur i vetëvarur nga banorët e zonës.

Sipas të dhënave paraprake nga uniformat blu Drilon Dema u akuzua nga banorët se disa ditë më parë kishte vjedhur dy pula të fshatit.

Policia thotë se vetëvrasja e 18-vjeçarit u krye disa orë pasi u lirua nga policia, por policia po heton rrethanat e ngjarjes.

(Gre.M/Shqiptarja.com)