Policia e Dibrës ka arrestuar ditën e sotme 24- vjeçarin Kreshnik Skura, pasi i vodhi një shumë parash dhe disa sende personale një gruaje me inicialet A.K.
Sipas policisë, 24- vjeçarit, banues në Tiranë, gjatë kontrollit në automjetin që drejtonte iu gjetën të fshehura dhe iu sekuestruan paratë e vjedhura dhe sendet personale, të gruas me inicialet A.K.
Njoftimi i policisë:
![](https://shqiptarja.com/template/img/NO_ALFA_Kuadrate shqiptarja.png)
Dibër/ I vodhi një shumë parash dhe disa sende personale një shtetaseje, kapet dhe vihet në pranga 24-vjeçari .
Sekuestrohet shuma e parave dhe sendet personale.
Si rezultat i veprimeve hetimore dhe profesionale të kryera nga specialistët për Hetimin e Krimeve të Komisariatit të Policisë Dibër, menjëherë pas administrimit të kallëzimit të shtetases A.K., se në qytetin e Peshkopisë, shtetasi Kreshnik Skura, i kishte vjedhur një shumë parash dhe disa sende personale, menjëherë është organizuar puna për lokalizimin dhe kapjen e tij.
Në bashkëpunim me Komisariatin e Policisë Bulqizë, u bë e mundur lokalizimi, kapja dhe arrestimi në flagrancë i autorit të dyshuar të këtij rasti, shtetasi:
Kreshnik Skura, 24 vjeç, banues në Tiranë. Shërbimet e Policisë, gjatë kontrollit në automjetin që drejtonte 24-vjeçari, gjetën të fshehura dhe sekuestruan shumën e parave dhe sendet personale, të shtetases A.K.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)