POP 5

Lajmet më të lexuara të 5 minutave të fundit

Sport

Dielli pas stuhisë, mediat italiane vlerësojnë Asllanin: Nisi aksionin e golit! Inzaghi: Kristjanin e kryqëzuan, s'e meritonte

Vetë shqiptari tha se këto ditë është detyruar të mbyllë rrjetet sociale, ndërsa në mbrojtje të tij doli edhe trajneri Simone Inzaghi.

Dielli pas stuhisë, mediat italiane vlerësojnë Asllanin: Nisi aksionin e golit! Inzaghi: Kristjanin e kryqëzuan, s'e meritonte

Trajneri i Interit Inzaghi dhe Kristjan Asllani

Pas stuhisë ka diellë për Kristjan Asllanin. Mesfushori shqiptar, i cili përfundoi në lumin kritikave pasi Inter humbi finalen e Superkupës kundër Milanit, është vlerësuar pozitivisht pas fitores 1-0 që zikaltërit morën në Seria A kundër Venezias. Në këtë përballje Asllani nisi topin e gjatë për Lautaron, që u kthye në gol nga Darmian dhe më tej në 3 pikët për Interin.

Mediat italiane, të njëjtat që e kritikuan pas finales me Milanin, e vlerësuan Asllanin me notën 6.5 me përshkrimin se ‘kjo ishte përgjigjja që pritej nga ai’. Sipas mediave mesfushori la pas dyshimet që e kishin rrethuar në finalen e Arabisë dhe se Inzaghi mund ta llogarisë për pjesën e mbetur të sezonit. Edhe vetë Asllani e pranoi se kishte patur shumë presion pas Superkupës.

“Jam mësuar me mediat që shkruajnë shumë për mua. Këto ditë fshiva të gjitha rrjetet sociale dhe jam i lumtur kështu. Ka djem që më rrethojnë dhe besojnë tek unë. Me rëndësi në këtë ndeshje ishin vetëm 3 pikët,”-u shpreh Asllani.

Në mbështetje të Asllanit ishte edhe trajneri Simone Inzaghi:

“Kristjan Asllani u trajtua keq pas Superkupës. Ndaj tij Morata bëri një faull shumë të pastër dhe nuk i meritonte ato kritika.”

Kjo fundjavë në Seria A pati edhe lajme jo të mira për futbollistët shqiptarë, me Gjimshitin i cili la lojën në ndeshjen Atalanta-Udinese pasi pësoi çarje në kokë dhe u deshën disa qepje për të mbyllur plagën. Dëmtim pësoi edhe Ardian Ismajli, mbrojtësi tjetër i kombëtares, i cili u zëvendësua që në pjesën e parë në ndeshjen Empoli-Lecce.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Shkurt, 09:13

    Si e vlerësoni kushtin e PD që diaspora të votojë me dokumente të huaja?

Lajme të tjera



×

Lajmi i fundit

Shqipëria do të organizojë Kongresin Botëror të Ligjit 2027, Rama nga Spanja: Do të sjellë tre mijë juristë

Shqipëria do të organizojë Kongresin Botëror të Ligjit 2027, Rama nga Spanja: Do të sjellë tre mijë juristë

7 Shkurt, 13:30