Dikush të ndalë Cristian Shpendin, sulmuesi i Kombëtares gjen golin e 16-të në Itali

Dikush të ndalë Cristian Shpendin, sulmuesi i Kombëtares gjen golin e 16-të në Itali

Cristian Shpendi

Sulmuesi i Kombëtares U-21 të Shqipërisë, Cristian Shpendi ka shënuar golin e 16-të sezonal me Cesenan në Serinë C të futbollit në Itali. Në ndeshjen kundër Riminit në transfertë, e vlefshme për raundin e 25-të në kampionat, sulmuesi kuqezi gjeti golin e dytë të ndeshjes në minutën e 43.

Duke përfituar nga një faull, Shpendi shfrytëzoi krosimin dhe e dërgoi topin në rrjetë për rezultatin 0-2, duke qetësuar miqtë bardhezi. Me 62 pikë pas javës së 25-të, Cesena mban kreun e Serisë C në grupin B dhe është pretendente për t'u ngjitur një kategori më sipër.

Veçse po dërgon të tijtë në Serie B me golat e tij, Shpendi i ka rritur kreditet vetes dhe shumë skuadra të elitës në Itali janë gati të paguajnë vlerën prej 2 milionë eurosh për të bërë të vetin 20-vjeçarin.

Me kuqezinjtë U-21, Shpendi ka shënuar një gol në shtatë takimet e luajtura. Kujtojmë se Cristiani është vëllai binjak i Stivenit, sulmuesit të Empolit në Serie A.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

VIDEO/ ​ Zjarr në një banesë në Lazarat

VIDEO/ ​ Zjarr në një banesë në Lazarat