POP 5

Lajmet më të lexuara të 5 minutave të fundit

Politikë

Diskriminoi meshkujt, KQZ i “fal” gjobën
prej 80 milion lekësh PPKDSH

Komisioni Qendror i Zgjedhjeve “fal” një gjobë prej 8 milion lekësh një partie që kishte shkelur barazinë gjinore në listët e kandidatëve për deputet.
TIRANE- Komisioni Qendror i Zgjedhjeve “fal” një gjobë prej 8 milion lekësh një partie që kishte shkelur barazinë gjinore në listët e kandidatëve për deputet. Në raportin vjetor të institucionit që administron proceset zgjedhore në vend theksohet se gjobat për shkeljen e barazisë gjonore ndaj subjekteve zgjedhor janë vetëm tre, PS, PD dhe LSI duke mos përmendur gjobën që kishte vënë për subjektin zgjedhor Partia Popullore Kristian Demokrate e Shqipërisë.

“Në procesin e verifikimit të listave shumemërore të kandidatëve për deputet për Kuvend, u konstatuan se 3 (tre) parti politike nuk kishin respektuar kriterin e gjinisë, përkatësisht: Partia Socialistë në 6 (gjashtë) zona zgjedhore, Partia Demokratike në 4 (katër) zona zgjedhore dhe Lëvizja Socialistëe për Integrim në 4 (katër) zona zgjedhore. Megjithë evidentimin dhe njoftimit për mos zbatimi të kriterit gjinor, nga këto subjekte zgjedhore nuk u shfrytëzua e drejta e plotësimit/korrigjimit të listave shumemërore sipas përcaktimeve dhe afateve të Kodit Zgjedhor.

KQZ, në mbështetje të nenit 67, 175 të Kodit Zgjedhor për subjektet zgjedhore të sipërpërpërmendura të cilat nuk respektuan kriterin gjinor vendosi sanksione administrative përkatësisht në vlerën 6 milion lekë për PS, 4 milion lekë për PD dhe 4 milion lekë për LSI”, thuhet në raportin vjetor të KQZ-së. Por këtu nuk përmendet gjoba e vënë ndaj subjektit zgjedhor PPKDSH i cili kishte shkelur barazinë gjinore në 8 qarqe të vendit ku diskriminimi ishte bërë ndaj meshkujve.

Pra pjesa më e madhe e listave shumëemërore të kandidatëve për deputet të PPKDSH kishte më shumë femra se sa meshkuj. Kësisoj duket se Komisioni Qendror i Zgjedhjeve i ka falur gjobën e vendosur ndaj partisë që kishte diskriminuar meshkujt.

Shkrimi u publikua sot (19.02.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Zjarret në Los Angeles, Paris Hilton dhuron 100 mijë dollarë për të prekurit

Zjarret në Los Angeles, Paris Hilton dhuron 100 mijë dollarë për të prekurit

11 Janar, 16:44