Dita e 10 e Olimpiadës në Rio
njihuni me fituesit në çdo kategori 

Në ditën e dhjetë të Lojërave Olimpike të Rios në pistë nuk zbriti Usain Bolt apo në pishinë Michael Phelps por emocionet nuk munguan.

Ditën e djeshme arritjet më të mëdha ishin për Spanjën në basketboll për meshkuj që kaloi në çerekfinale dhe për medaljen e dytë të artë të kenianit Rudisha në garën e 800 metrave.

Megjithatë edhe në gara të tjera ka pasur emocione të mëdha siç ishte gara e 400 metrave për femra në atletikë.

Në atletikë braziliani Thiago Braz da Silva në pjesmarrjen e parë në Lojërat Olimpike thyen rekordin e kërcimit me shkop me rezultatin 6.03 metra duke lënë pas francezin Lavillen dhe amerikanin Kendriks.

  (Thiago Braz da Silva fitues i garës së kërcimit me shkop )

Rekordi tjetër i ditës ishte ai i polakes Vlodarcik në hedhjen e çekiçit. Atletja 31-vjeçare arriti rezultatin 81.08 metra.

Garën e 3000 metrave me pengesa në atletikë që është disiplina që konkuroi edhe Luiza Gega e fitoi Ruth Xhebet me kohën 8:59:75 që është vetëm 2 sekonda më pak se rekordi botëror ndërsa e pabesueshmja ndodhi në garën e 400 metrave ku Miller mposhti favoritin e madh Alison Feliks me kohën 48 sekonda e 44 të qindat.

Miller fitoi vetëm pasi u rrëzua në metrin e fundit të garës dhe finishin e kaloi me trup.

Duke mbetur tek atletika garën e 800 metrave për meshkuj e fitoi kampioni i Londër 2012 David Rudisha që rregjistroi kohën më të mirë me 1:42:14.


(David Rudisha fitues i garës së 800 metrave )

Ruslan Nurudinov ka fituar medaljen e artë në peshëngritje në kategorinë deri në 105 kg.

Sportisti nga Uzbekistani ngriti në dygarësh 431 kg ndërsa në podium u ngjitën edhe armeni Simos Martirosian dhe kazakistansi Aleksandër Zaicikov.

Në boks në peshat e rënda rusi Evgeni Tishenko ka fituar medaljen e artë duke mposhtur në një finale të kontestuar boksierin nga kazakistani Vasili Levit.

Në gjimnastikë Simon Bajls nuk ka arritur dot që të fitoj medaljen e katërt të artë në këtë Olimpiadë.

Kampionja amerikane duhej të kënaqej me medaljen e bronzit. Medaljen e artë në këtë disiplinë të gjimnastikës e mori hollandezja Sane Uevers.

Dhe në fund në basketbollin e meshkujve Spanja arriti që të mposhtë Argjentinën 92-73 duke u kualifikuar për në fazën çerekfinale ku do të përballet me Francën.

Argjentinës i kushtoi kjo humbje pasi në fazën me eleminim do përballet direkt me ''Dream Team'' pra Kombëtaren amerikane të basketbollit.


(Pau Gasol basketbollist i Spanjës )

Redaksia Online
XH.K/shqiptarja.com