Në ditën e gjashtë të protestës, banorët e Rrjollit zbritën në kantierin e ndërtimit, aty ku mjetet e rënda të GENER 2 punojnë pa pushim në bregdet për të ngritur resortin “Blu Borgo”, leja e të cilit u firmos 3 javë më parë nga ish-zv/kryeministrja Belinda Balluku.
Janë të vendosur për të mbrojtur pronat e tyre, që pretendojnë se ua ka grabitur përmes dokumenteve të falsifikuara, Fatmir Shpellzaj, ish-drejtor kadastre dhe eksponent i Partisë së Lirisë. Po sipas banorëve, tokat e tyre të grabitura, Shpellza ia ka shitur biznesmenit Bashkim Ulaj për ndërtimin e resortit me 5 yje.
“Sot është dita e gjashtë, dje kemi bërë një protestë që është e paparë. Sot po mblidhet populli. Ca kemi mbetur këtu jemi, çfarë do të vijë do të shihet javës tjetër. Kjo do të jetë protestë që nuk do të mbyllet. I bëjmë thirrje shtetit të vër këto letra në dukje. Të hënën do të bllokojmë Prokurorinë e Shkodrës. Na del një kriminel, Fatmir Shpellzaj dhe merr 1400 dynym tokë dhe nxjerr 80 shtëpi në rrugë të madhe”, tha një banor.
Banorët kërkojnë ekspertim të dokumenteve dhe veprimeve në Kadastër, pasi tyre të dyja palët kanë certifikatë pronësie.
“Nëse ka dikush gjak shqiptari, vjen këtu me na dalë zot. Nuk kemi me u vra me policët, por me na dalë zot me mbrojt tokën tonë. Kujtojnë se vetëm Rrjolli, nesër do ta ketë radhën tjetri. Protestat nuk do i ndalojmë. Qeveria shqiptare ta kuptojë se këtë tokë shqiptare nuk e gëzon dikush përveç pronarit të ligjshëm. Sot vjen një person që i duket vetja i fortë me pushtet. I them tërhiqu nga kjo që ke nis, bëjmë një marrëveshje, firmosim për kontratën dhe t’i të vazhdosh punën”, tha një banor tjetër.
Është pikërisht ky vendi, buzë detit Adriatik, ndërmjet Ranës së Hedhun dhe Velipojës që është kthyer në shesh beteje të përditshme. Kështu ndodhi dhe këtë të shtunë, banorët u sulën për te ndalur punën në kantier, ndërsa policia u bë kordon për të mbrojtur mjetet dhe punëtorët e Bashkim Ulaj.
Numri i policëve është më i lartë se numri i protestuesve, që nuk bëhen as 40 vetë. Pas përleshjes fizike, policia ia doli të mbushë plot dy furgonë me 15 protestues dhe t’i dërgojë në komisariat. Teksa ndodhte përplasje e dhunshme, fabromat dhe skrepat nuk e ndalën për asnjë sekond punën.
Për herë të parë në mbrojtje të banorëve të Rrjollit ka dalë Partia Demokratike, dega e Shkodrës, e cila akuzon Qeverinë dhe Bashkinë per krim mjedisor por nuk ia përmend emrin biznesmenin Bashkim Ulaj, të lidhur me familjen Berisha.
"Hapësira e fshatit Baks Rrjoll u nxor qëllimisht nga Zona e Peizazhit të Mbrojtur Bunë-Velipojë në vitin 2019 e si tillë më pas ishte më lehtë të binte pre e abuzimit me ndërtimet dhe krimin mjedisor që po ndodh", tha PD me një deklaratë.
Banorët shpërthejnë në akuza ndaj Sali Berishës, duke e pyetur publikisht pse hesht për Bashkim Ulajn.
“Sali Berisha nuk po na mbështet, a mos valllë ka dorë në këtë histori? Pse duhet të në thërrasë në protestën e 10 shkurtit për interesat e veta dhe nuk na mbështet kur ne kemi interesat tona”, tha një protestues.
Pas konfrontimit, banoret janë zhvendosur para drejtorisë së policisë së Shkodrës, duke kerkuar lirimin e te ndaluarve.
Nga ana tjetër, policia e Shkodrës nuk ka dhënë asnjë komunikatë zyrtare edhe pse prej 6 ditësh dërgon me dhjetëra efektive në Rrjoll. Protestuesit mbahen të komisariat, për 3-4 orë e më pas lirohen pa asnjë shpjegim mbi arsyet e shoqërimit.
Botuesi pranë familjes Berisha dhe vëllezërit e tij kanë marrë statusin e veçantë të investitorit strategjik për fshatin turistin që do të ndërtohet në kufi mes Ranës së Hedhun dhe zonës Baks-Rrjoll në Shkodër.
Një banor i Rrjollit të Velipojës ka shpërthyer në lot ndërsa para Policisë së Shkodrës kërkonte lirimin e protestuesve, të cilët prej 6 ditësh po bëjnë rezistencë kundër ndërtimit të resortit të Bashkim Ulajt. Banorët akuzojnë botuesin dhe ndërtuesin Ulaj se u ka grabitur pronat, ndërsa mes lotësh njëri Nikoll Malaj thotë se tokën dhe banesën ia ka lënë babai.
“Kthim prapa nuk ka. Në 1908 më ka lind baba, e kam shtëpinë sot e 118 vjet. Kemi kontaktuar, s’na ka dhënë kurrëfarë përgjigje”, thotë mes lotësh banori Nikoll Malaj.
Një banor i Rrjollit ka pyetur publikisht Sali Berishën se përse hesht dhe nuk e mbështet protestën e tyre kundër resortit të Bashkim Ulajt, botues pranë familjes Berisha.
Banori thotë që Berisha jo vetëm nuk ka dërguar asnjë përfaqësues, por as në deklaratat e tij nuk ka mbajtur një qëndrim mbështetës, duke ngritur pyetjen “mos vallë ka dorë edhe Berisha në këtë mes?”. Banori i tha Berishës që të mos i thërrasë në protesta vetëm kur ka interesin e tij.
"Nuk dërgoi një përfaqësues të vetin dhe nuk erdhi të na mbështes në grevën tonë. A mos vallë ka dorë edhe Berisha në këtë mes. Nuk e kemi dëgjuar as në lajme që të na dalë zot. I lutem, mos na thirr kur ke interesat e tua, por na mbështet edhe në interesat tona", thotë banori.
Një grup banorësh të Velipojës, pas protestës kundër resortit të Bashkim Ulajt, janë zhvendosur para Policisë së Shkodrës dhe kërkojnë lirimin e 15 protestuesve të shoqëruar. Një prej banorëve, Nuard Keqani thotë se në Polici u ushtrojnë presion që mos të dalin më në protesta. Ai thekson se do ta vijojnë rezistencën dhe do t’i kërkojnë sërish SPAK që të ndalë punimet, pasi akuzojnë biznesmenin dhe botuesin Bashkim Ulaj se u ka grabitur pronat.
“Te toka jonë shkojmë, te toka jonë na arrestojnë, na sjellin në komisariat dhe na bëjnë presion brenda na thonë që do u lëshojmë sot dhe mos të vini nesër. Këta kriminelë na trajtojnë sikur ua kemi zënë në tokën, Fatmir Shpellazaj dhe Bashkim Ulaj falsifikojnë dokumentet dhe paguajnë shtetin për me na kërcënua dhe me na shoqëruar në mënyrë të jashtëzakonshme, na bllokojnë makinat që të në bëjnë presion. Ne nuk ndalemi deri kur të fitojmë të drejtën tonë. Jemi në tokën tonë. Do i kërkojmë prapë SPAK të ndalen punimet”, tha një banor.
Partia Demokratike ka dalë për herë të parë në mbrojtje të banorëve të Rrjollit të cilët po protestojnë kundër ndërtimit të resortit luksoz të Bashkim Ulajt. Dega e PD në Shkodrës, akuzon Qeverinë dhe Bashkinë për krim mjedisor por nuk ia përmend emrin e botuesit dhe ndërtuesit Bashkim Ulaj, të lidhur me familjen Berisha.
PD shkon edhe më tej duke akuzuar Bashkinë e Shkodrës, se nuk kryen detyrimin ligjor për marrjen e tarifës apo 3% të investimit për qëllime të strehimit social në kuadër të projekteve ndërtimore. Ndonëse PD nuk e përmend me emër Bashkim Ulajn, pyetje që ngrihet pas kësaj akuze është: a e ka paguar Ulaj taksën 3% të investimit që shkon për strehim social?
Deklarata e plotë e PD në Shkodër
Partia Demokratike dega Shkodër dënon krimin mjedisor dhe ndërtimin abuziv që po ndodh në zonën e Baks Rrjollit pjesë e Njësisë Adiministrative Velipojë dhe e Bashkisë Shkodër. Ky krim vjen si pasojë e abuzimeve në zhvillimet ndërtimore për interesa të ngushta të aktorëve të përfshirë dhe të mbështetur nga pushteti.
Hapësira e fshatit Baks Rrjoll u nxor qëllimisht nga Zona e Peizazhit të Mbrojtur Bunë-Velipojë në vitin 2019 e si tillë më pas ishte më lehtë të binte pre e abuzimit me ndërtimet dhe krimin mjedisor që po ndodh.
Në vitin 2024 po ashtu flasim për tentativën e dytë ligjore që shkon në drejtim të abuzimit me zonat që janë në presion të zhvillimeve ndërtimore ku me amendimin e ligjit për Planifikimin dhe Zhvillimin e Territorit, Këshilli Kombëtar i Territorit fiton kompetencën e dhënies së lejeve të ndërtimit në edhe në zona të mbrojtura.
Ky është rasti konkret i cili vjen si pasojë e kapjes së pushtetit nga interesa të ngushta të zhvillimit të territorit me një dëm kolosal mjedisor dhe kundër çdo parimi të zhvillimit të qëndrueshëm e në kundërshti të plotë me komunitetin.
Kjo qeverisje sa herë tenton të zbatojë projekte apo zhvillime propagandistike hyn në konflikt me komunitetin, Konflikt me banorët në Theth, Konflikt me banorët në Rrjoll, konflikt bizneset tek hyrja e qytetit. Kjo qeverisje kërkon ta përdorë popullatën si instrument për të mbajtur pushtetin por nuk punon për komunitetin me qellim rritjen e standardit të jetesës dhe të mirëqenies.
Nga ana tjetër kemi Bashkinë e cila fshihet mbas gishtit e cila duhet të jetë mbrojtësja e interesave të territorit të bashkisë e cila lë në mëshirë të fatit banorët e saj dhe nuk ka forcën të shprehë kundershtinë e projektit sepse funksionon si zgjatim i pushtetit të qendrës.
Kjo Bashki as nuk kryen detyrimin ligjor për marrjen e tarifës apo 3% të e investimit për qëllime të strehimit social në kuadër të projekteve ndërtimore.
Një bashki që është e detyruar të heshtë për krimin mjedisor një bashki e paaftë për të zbatuar instrumentet ligjor që i përkasin.
Partia Demokratike do të qëndrojë gjithmonë në krah të interesit publik në krah të komuniteteve e në krah të zhvillimit të qëndrueshëm.
Komente
Lajme të tjera
-
Protesta në Milano, 5 mijë persona kundër zhvillimit të Lojërave Olimpike! Fishekzjarre dhe sulme me armë ndaj policisë, 5 të arrestuar (VIDEO)
7 Shkurt, 19:50 -
Protesta kundër resortit të Ulajt/ Banori i Rrjollit në lot: Shtëpinë ma ka lënë baba... (VIDEO)
7 Shkurt, 16:23 -
Protesta kundër resortit të Ulajt/ Banori pyet Berishën: Pse nuk na mbështet, a mos ke edhe t’i dorë? Mos na thirr në protestë vetëm për interesin tënd (VIDEO)
7 Shkurt, 16:11 -
Rezistenca kundër resortit të Ulajt/ Banorët kërkojnë lirimin e 15 protestuesve para Policisë së Shkodrës: Na ushtrojnë presion që mos të dalim në protestë
7 Shkurt, 16:06 -
'Opozita të paraqesë alternativën e saj për ‘Territorialen', Meta kundër bojkotit: Mos bëni të njëjtin gabim si Basha
7 Shkurt, 16:06 -
‘Mollë e kalbur’, Berisha sulmon Sulën pas emërimit si kryeinspektor i Përgjithshëm: Ishte akt tradhtie (VIDEO)
7 Shkurt, 13:55 -
Rikonstruktohet shkolla ‘Ali Laçej’ në Shkodër, mjedise të reja për sporte dhe aktivitete të tjera për 150 nxënës dhe mësues
7 Shkurt, 13:43 -
24-vjeçari në Shkodër luan “kukafshehthi” me policinë, fshihet në tavanin e shtëpisë pas vjedhjes (VIDEO)
7 Shkurt, 09:29 -
Ylli Pata: Pse Dash Sula është një tradhtar?
6 Shkurt, 21:30
-
Demokrati ja thotë në sy Berishës: Nuk e duam Florjan Binajn për Tiranën! Ose nxirrni kandidatin politik, ose hiqni dorë (VIDEO)
6 Shkurt, 19:58 -
Grabitje e dështuar në degën e Postës Shqiptare në Shkodër, thyhen xhamat e objektit! Policia: Autori i dyshuar ka tentuar më parë të vjedhë në një market (VIDEO)
6 Shkurt, 19:18 -
Edmond Spaho ironizon Nokën pas ‘sulmit’ ndaj Dash Sulës: Ka të drejtë Flamuri, ata që doktori mban afër janë zgjedhje të gabuara!
6 Shkurt, 19:15
Askush nuk ju vjen. Pse nuk erdhet ne Theth e kudo qe grabiten, te solidarizohemi kur sje ne rrezik se kur te vjen veza te bytha, atehere kerkoni mbeshtetje. Hec mo na çani bythen, se po ske letra s'esht pron jotja. Resorti esht zhvillim, merr leket e shko shijo jeten.
PërgjigjuNe Shqipëri jane bashke forcat politike. Opozita eshte populli, dhe emigrantët. Kjo eshte jeta politike ne shek 21 viti 2026
PërgjigjuBerisha nuk hap goje se Ulaj eshte ne fillim i sales masanej i Rames.
PërgjigjuSa e shiti votën ky populli qe kerkon ndihmen e Berishës? Dhe sidomos, nuk ka mundesi qe mbreti qe drejton Shqipërinë ti japi leje nje oligarku te lidhur me Berishen se ai ne 2013 na tha qe keto i kane duart me gjak.
Përgjigjujo tju mbeshtesi toma e paulini dhe marinaj se ata keni votu ju bes prema i keni marre dhe leket ler vote
PërgjigjuKjo eshte e turpeshme … policia e shtetit e gjitha ne dispozicion te nje oligarku qe ka vjedhur Shqiperine me ndihmen e politikes nga dy krahet .. krimi i lire rrugeve … policia qe duam kjo eshte … mos harroni per parkim dysh beni burg..!!
PërgjigjuPërse nuk bëhet më parë verifikim ligjor në se ka shkelje në ligj për grabitje prone dhe pastaj të sqarohet komuniteti.... Këto konflikte që po përdoret dhuna me siguri do të përfundojë në vrasje prandaj Bashkia duhet ti dali të keqes përpara se të ndodhi në të kundërt del që bashkia është e kompromentuar nga ujku Ulaj që ka gllabëruar Shqipërinë.... Dihet që po ke thënë Ulaj ke thënë SALI NON GRATA.
PërgjigjuPo ata "pronare" çfare pronash kane ne rere, kane dokumente dhe nese kane, sa te pastra jane? Si dhe kur i kane marre tapite? Ne kohen e pronave mbi prona, apo ne kohen e "vulave" te pishtareve te demokracise???
Qingji i mire thithe ne 2 nana or teeeejjjjj