TIRANE- 27 Janari është dita mbarëbotërore e paralajmërimit dhe e përkujtimit të viktimave të Holokaustit. Politika shqiptare përcolli mesazhin e rëndësisë së kujtesës historike për të mësuar nga e shkuara, që e keqja e shkaktuar nga ideologjia, politika dhe urrejtja njerëzore ndaj besimit apo etnisë të mos përsëritet kurrë.
Presidenti i Republikës, Bajram Begaj tha se krimet e tilla të tmerrshme duhet të përkujtohen në mënyrë që të mbeten në memorien tonë dhe të të gjithë botës si dëshmi e fakti se ku çon degradimi politik dhe verbimi pas ideologjive totalitare
“Krimet e përbindshme të gjenocidit, holokausti ndaj hebrenjve, shfarosja e miliona njerëzve prej mizorisë dhe urrejtjes djallëzore ndaj njerëzve për shkak të besimit apo etnisë janë ana më e errët që rëndon përjetë ndërgjegjen e njerëzimit. Ne i përkujtojmë ato krime të tmerrshme në mënyrë që të mbeten në memorien tonë dhe të të gjithë botës si dëshmi e faktit se ku çon degradimi politik dhe verbimi pas ideologjive totalitare”, - shkroi Presidenti i Republikës në mesazhin e tij.
Kreu i Shtetit risolli në vëmendje ndihmën e shqiptarëve ndaj hebrenjve dhe qëndrimin në anën e drejtë të historisë.
Populli ynë dëshmoi në kohën e luftës se shpirti i tij mbeti i pastër, mbrojti dhjetëra hebrenj nga persekutimi apo zhdukja, duke u bërë shembull i mrekullueshëm për gjithë historinë tonë. Sot, në Ditën Ndërkombëtare të Holokaustit, lutemi për miliona viktimat e holokaustit dhe lutemi që kurrë më mynxyra të tilla të mos ndodhin”.
Kryeministri Edi Rama tha se Shqipëria ka qëndruar dhe do të vijojë të jetë kundër antisemitizmit dhe islamofobisë, duke sjellë në vëmendje dhe situatën në Rripin e Gazës.
'Ne duam që hebrenjtë dhe palestinezët të jetojnë në paqe si fqinjë në dy shtete sovrane, pa tunele terrori poshtë dhe askush nuk e vë në dyshim të drejtën e Izraelit për të ekzistuar. Popullit hebre i themi sot: Shqipëria do të jetë gjithmonë shtëpia juaj. Ejani, vizitoni, investoni dhe le të ndërtojmë një të ardhme më të përbashkët të rrënjosur në shpresë dhe unitet’, shkruajn Rama në një postim në aplikacionin X
Shqipëria ka miratuar rezolutën mbi Antisemitizmin, në tetor 2020. Kjo e ka bërë Shqipërinë lidere rajonale në luftën kundër antisemitizmit, tha kryetarja e Kuvendit Eliza Spiropali
Pse më 27 janar?
Më 27 janar 1945 forcat e armatosura sovjetike, Ushtria e Kuqe, çliruan kampin nazist të përqendrimit dhe të shfarosjes Aushvic-Birkenau. Ushtarët gjetën disa të mbijetuar, rrënoja të dhomave të gazit, të vdekur dhe hirin e të vrarëve. Vetëm në Aushvic u vranë rreth 1,1 milion njerëz. Shumica e tyre, rreth 90 për qind, ishin hebrenj dhe Aushvici ishte vetëm njëri nga vendet e shumta të internimit dhe vrasjeve masive nga Gjermania naziste në Evropë.
Kryeministri Edi Rama ka kujtuar ditën e sotme, ditën Ndërkombëtare të Përkujtimit të Holokaustit.
Përmes një postimi në aplikacionin X, Rama shkruan se Shqipëria do jetë gjithmonë shtëpia e popullit hebre.
'Sot, në Ditën e Përkujtimit të Holocaustit, ne nderojmë milionat e humbur dhe qëndrueshmërinë e atyre që mbijetuan. Kujtojmë gjithashtu me krenari se falë trimërisë së gjyshërve dhe nënave tona (kryesisht myslimane), Shqipëria, një komb i vogël me zemër të madhe, u bë një vend i shenjtë duke dalë nga Lufta e Dytë Botërore si i vetmi vend evropian me më shumë hebrenj se më parë. Ne qëndruam atëherë, dhe qëndrojmë tani, kundër antisemitizmit dhe islamofobisë. Ne duam që hebrenjtë dhe palestinezët të jetojnë në paqe si fqinjë në dy shtete sovrane, pa tunele terrori poshtë dhe askush nuk e vë në dyshim të drejtën e Izraelit për të ekzistuar. Popullit hebre i themi sot: Shqipëria do të jetë gjithmonë shtëpia juaj. Ejani, vizitoni, investoni dhe le të ndërtojmë një të ardhme më të përbashkët të rrënjosur në shpresë dhe unitet’, shkruan ai.
Kryetarja e Kuvendit Elisa Spiropali, reagoi sot në Ditën Ndërkombëtare të Përkujtimit të Holokaustit.
Spiropali u shpreh se kjo ditë për shqiptarët është një ditë e jashtëzakonshme, ndërsa theksoi se lidhjet e shqiptarëve me hebrenjtë janë lidhje të hershme.
“Dita Ndërkombëtare e Përkujtimit të Holokaustit, për ne shqiptarët është një ditë e jashtëzakonshme. Në këtë ditë ne ndjehemi krenarë për miqësinë, dashurinë dhe mbrojtjen e hebrenjve. Lidhjet e shqiptarëve me hebrenjtë janë të hershme e historike. Shqipëria ishte i vetmi vend, i cili në përfundim të Luftës së Dytë Botërore, kishte më tepër hebrenj se në fillim të saj. Është fakt i njohur botërisht se në Shqipëri hebrenjtë u mbështetën dhe u mbrojtën nga të gjithë shqiptarët, populli dhe institucionet, pavarësisht bindjeve politike apo përkatësive fetare. Për nga kontributi për mbrojtjen dhe mbështetjen e hebrenjve, Shqipëria është njohur e vlerësuar si një atdhe tjetër, atdhe rezervë, për ta. Rezoluta mbi Antisemitizmin, miratuar nga Kuvendi dhe Forumi i Parë Ballkanik kundër Antisemtizmit, organizuar nga Kuvendi në tetor 2020, e kanë bërë Shqipërinë lidere rajonale në luftën kundër antisemitizmit, tha ajo.
Ministri për Evropën dhe Punët e Jashtme, Igli Hasani, ka reaguar në lidhje me 27 Janarin, Ditën Ndërkombëtare të Përkujtimit të Holokaustit.
Më anë të një postimi, përmes rrjetit social X, ai shkruan se duhet të udhëhiqemi nga humanizmi dhe paqeja, teksa në këtë 80-vjetor përkujtimi nderohen 6 milionë gra, burra, të moshuar dhe fëmijë që humbën jetën gjatë Holokaustit, si dhe ata që mbijetuan.
“Në 80-vjetorin e Çlirimit të Aushvicit dhe Ditës Ndërkombëtare të Përkujtimit të Holokaustit, nderojmë gjashtë milionë gra, fëmijë dhe burra hebrenj, të cilët humbën jetën gjatë Holokaustit, së bashku me të tjerë të panumërt që iu rezistuan vuajtjeve të paimagjinueshme.”
Ndër të tjera, Ministri Hasani nënvizon se:
“Ky rast solemn na sfidon të gjithëve të mësojmë nga historia, të përballemi me rritjen shqetësuese të antisemitizmit dhe të përpiqemi për një të ardhme të mishëruar nga drejtësia, humanizmi dhe paqja. Nuk do të harrojmë kurrë. Ne përkujtojmë.”
Në kuadër të kësaj dite, Ministri për Evropën dhe Punët e Jashtme, Hasani, bashkë me krerë delegacionesh nga e gjithë bota, do të jetë sot në Poloni, ku do të marrë pjesë në ceremoninë përkujtimore të 80-vjetorit të çlirimit të Aushvicit.
Komente
Lajme të tjera
-
Gazetari izraelit: Shqipëria do të presë 100 mijë palestinezë nga Gaza! Rama rrëzon pretendimet: S'mund të bëjmë më shumë se vendet e tjera të BE
27 Janar, 21:17 -
Poloni/ 80-vjetorit të Çlirimit të kampit Aushvic, ministri Hasani: Trashëgimia shqiptare e vetëmohimit do të na frymëzojë gjithmonë për të luftuar në anën e drejtë të historisë
27 Janar, 18:59 -
Zbardhen 'debatet' në mbledhjen e PS/ Veterania i kërkon Veliajt ashensor në seli, 'irritohet' Rama: Nëse duam të respektojmë luftën, s'duhet të kërkojmë asgjë për vete
27 Janar, 18:31
-
Zgjedhjet/ Rama prezanton Braçen në njësinë 5, porosi për votën e diasporës: Duhet të përmbushim objektivat! Mbledh edhe delegatët e Tiranës
27 Janar, 16:31 -
‘SPAK është kthyer në parti aleate të Ramës’, Tedi Blushi: Po burgos dhe shantazhon drejtuesit e opozitës
27 Janar, 15:27 -
‘Burrat i veshën me tirq e qeleshe’, si i shpëtuan shqiptarët familjet hebraike
27 Janar, 14:04
-
Përçarja për Primaret në PD, Berisha e pranon: Ka debate, por duhet zbatuar Statuti, s’e vendos unë! Gjyqtari i ndërruar për Salianjin, militant i PS
27 Janar, 13:17 -
Dita Ndërkombëtare e Holokaustit, Hasani: Nuk do të harrojmë, të mësojmë nga historia! Të përballemi me antisemitizmin në rritje, humanizëm dhe paqe
27 Janar, 09:10 -
27 Janari/ Të mbijetuarit e Aushvicit kthehen në kamp për 80-vjetorin e çlirimit! Udhëheqësit evropianë shqetësim për rritjen e partive të ekstremit të djathtë
27 Janar, 08:46 -
27 Janar, Dita Ndërkombëtare Përkujtimore e Holokaustit
27 Janar, 08:40 -
Rindërtohet gjimnazi ‘Sulejman Elezi’ (VIDEO)
27 Janar, 08:32 -
Spiropali në Selanik takon shqiptarët, thirrje të regjistrohen për zgjedhjet e 11 majit: Me Greqinë po punojmë për pensionet dhe lejet e qëndrimit
26 Janar, 15:33
A i keni mbush pantallonat dhe nuk guxoni ta thoni te verteten ,sa eshte tu hjekur ky popull i varfer nga Izraeli Fashist me bashkepunim me fashistet e botes qe nuk flet askush per te drejtat e femijve qe vriten xhdo dite me financimin Amerikane dhe Evropjane Turp tju vjen.
PërgjigjuKrimi eshte krim sido qe ta gjykojne.Holkausti ishte nje krim qe kreu Nazizmi.Poplli shqiptar ngriti mburoja per ebrejte qe u ndodhen ne vendin tone.Ishte nje akt hunanitar qe duhet te na bej krenare para botes se civilizuar,sot e kurdohere.Izraeli i ketyre 75-viteve jo vetem nuk e ka kuptuar se cfar ju be hebrejve por,po vepron po si nazizmi me popullin palestinez.Perkrahja apo heshtianga kushdo,individ apo qeveri i ben bashkepunetor ne kete GENOCID qe po ben Izraeli.
PërgjigjuAs me shume e as me pak, kete gje po ben Izraeli sot, ku vrasjet masive te femijeve, shpenguljet me force te nje populli te tere autokton, jane quajtur krime kunder njerezimit dhe genocid nga Gj.ND.
PërgjigjuZ.president Cifutet paten holokaustin e tyre para 100vjetesh nga nazistet.palestinezet kane 70 vjet qe dhunohen,poshterohen vriten e mbyllen ne geto sic eshte gaza.cifutet harrojne qe njeri nga 10 komandamentet ne dhjaten e vjeter thote:mos I bej tjetrit ate qe te tjeret sdo qe te ta bejne ty
Përgjigju