'Dita e Përkujtimit të Holokaustit', Meta: Shqipëria i vetmi vend në Europë me numrin më të lartë të hebrenjve pas Luftës së Dytë Botërore! Të mos lejojmë më tragjedi të tilla

Me një mesazh në rrjetet social, presidenti Ilir Meta ka kujtuare miliona jetë të pafajshme hebrenjsh të humbura gjatë Holokaustit.

Ai shprehu krenarinë për kodin tonë të nderit dhe mikpritjes BESA, e ndërsa shtoi se Shqipëria ishte i vetmi vend në Europë ku numri i hebrenjve ishte më i madh pas Luftës së Dytë Botërore se para luftës, sepse familjet shqiptare, të besimeve të ndryshme, mbrojtën popullin hebre gjatë asaj periudhe të errët.

“Sot, në përvjetorin e Ditës Ndërkombëtare të Kujtesës, nderojmë miliona jetë të pafajshme hebrenjsh të humbura gjatë Holokaustit.

LEXO EDHE:
Dokumentar mbi fotografin e Holokaustit, Roman Vishniac

Krenarë për kodin tonë të nderit dhe mikpritjes BESA,  Shqipëria ishte i vetmi vend në Europë ku numri i hebrenjve ishte më i madh pas Luftës së Dytë Botërore se para luftës, sepse familjet shqiptare, të besimeve të ndryshme, mbrojtën popullin hebre gjatë asaj periudhe të errët.

Duke përkujtuar viktimat e pafajshme të mizorisë së pashpirt të Holokaustit, dënuar antisemitizmin, mungesën e tolerancës, bashkëjetesës, dhe shkeljen e lirive, të drejtave dhe dinjitetin njerëzor, të gjithë duhet të angazhohemi dhe të mos lejojmë KURRË MË të tilla tragjedi, gjenocide dhe akte çnjerëzore.”, shkruan ai.

Lajmi kryesor:

Bota nuk e harron! Sot, 'Dita Ndërkombëtare e Përkujtimit të Holokaustit'! Meta dhe Xhaçka: Shqipëria, krenare për shpëtimin e hebrenjve

J.GJ./Shqiptarja.com

TAG:
• hebrenjte
• Holokausti