TIRANË- Nesër në Ditën e Verës, qytetarët e Tiranës do të kenë mundësi të shijojnë aktivitete të ndryshme në kryeqytet.

Bashkia e Tiranës njofton se aktivitetet do të nisin në orën 10:00 dhe do të zgjasin deri në orën 16:00 në disa pjesë që janë më të populluara në kryeqytet.

Aktivitetet kanë të bëjnë me koncerte DJ, panaire dhe interpretime nga trupa të ndryshme kulturore si, ajo e Teatrit të Kukullave, të Ansamblit të Tiranës etj. Në kaudë të festimeve, Ministria e Brendshme njofton se do të ketë disa kufizime në qarkullimin rrugor gjatë orarit të festimeve. 

AKTIVITETET NESËR
 
1. SHESHI PËRPARA GALERISË SË ARTEVE 
 
Ora 10:00 – 12:00   - Trupë e Teatrit të Kukullave
Ora 12:00 – 13:00   - “Ansambli Tirana”                                                   
        
2. PARKU RINIA          

Ora   9:00 – 13:00  - Këndi i pikturës   
   
Ora 11:00 – 13:00 - Koncert me DJ nga shkolla “Robert Radoja”    
Ora 10:00 – 12:00 - Happy Kids – Lorja me animatorë  (pjesa e lulishtes përballë Hotel Dajtit) 
 
3. SHESHI “VËLLEZËRIT FRASHËRI”      

Ora 10:00 – 11:00 - “Dance Akademi Amary” - kërcime moderne & popullore nga trupa e  baletit për fëmijë të moshës 6 deri 14 vjeç.       
Ora 11:00 – 12:00 - “Albania Silhouette Dance” – kërcime moderne nga trupa e baletit për  fëmijë të moshës 6 deri 14 vjeç.        
Ora 12:00 – 14:00   -   “Latin Beat” - kërcim latin nga trupa e kërcimit mbi 18 vjeç
 
 4. PARKU I LIQENIT (DIGA)                                            

Ora 11:00 - 14:00 - DJ & Kërcim Latin                           
 
5. RRUGA “MURAT TOPTANI” (PEDONALJA)

Ora 11:00 - Panairi 

KUFIZIME NË QARKULLIMIN RRUGOR

Në kuadër të festimeve për Ditën e Verës, Ministria e Kulturës dhe Bashkia e Tiranës do të zhvillojnë disa aktivitete festive. 

Drejtoria e Policisë së Tiranës ka marrë masat për sigurimin e rendit dhe qetësisë publike, para, gjatë dhe pas këtyre aktiviteteve festive. 

Duke filluar nga ora 09.00 deri në ora 16.00, të datës 14 Mars 2014, do të ketë disa kufizime të pjesshme të trafikut rrugor:

-në Sheshin “Nënë Tereza”

-përgjatë Bulevardit “Dëshmorët e Kombit”

-rruga “Pjetër Bogdani’

- ura e Taiwanit – Kryqëzimi i Shallvareve Tiranë. 

Redaksia online
(esh/shqiptarja.com)