Dixhitalizimi i RTSH, kompania
suedeze shkon në Kushtetuese

Kompania e madhe suedeze Ericsson ka çuar në Gjykatën Kushtetuese një ankesë lidhur me mënjanimin e saj nga procesi për dixhitalizimin e transmetimeve televizive të RTSH, duke kërkuar anulimin e një Urdhëri të qeverisë shqiptare të shtatorit 2014.

Rekursi pretendon se një vendim i Gjykatës së Tiranës i një viti më parë, që ka çuar në largimin e këtij subjekti nga gara ndërkombëtare, është i papajtueshëm me Kushtetutën e Republikës së Shqipërisë, bie ndesh me Konventën Evropiane të të Drejtave të Njeriut dhe, si i tillë, duhet të shfuqizohet.