Djali i dehur dhunoi nënën, e moshuara merret në mbrojtje 

Një e moshuar në Përrenjas ka përjetuar gjendje frike dhe dhune nga djali i saj. Dy ditë më parë, 45 vjeçari me inicialet K.T., pasi është kthyer në gjendje të dehur në banesë ka nisur të godasë nënën e tij të moshuar. Menjëherë pas padisë, 82 vjeçarja Z.T., banuese në Prrenjas, është pajisur me urdhër mbrojtje nga policia e Elbasanit. Gjithashtu, mësohet se ndaj djalit të saj ka nisur procedim penal në gjendje të lirë, ndërsa materialet i’u kaluan Gjykatës së Rrethit Gjyqësor Elbasan për veprën penale “Dhuna në familje”.