Djali i Fahriut: Do shkruaj sërish
me gabime, më pëlqen të dehem!

Kandidati për deputet i Partisë Demokratike në Pogradec, Klevis Balliu, djali i botuesit të gazetës “55” Fahri Balliu, ka thënë se ka vendosur të merret me politikë që kur ka qenë 6 vjeç dhe ka takuar Azem Hajdarin!

Ai ka argumentuar se është ndikuar prej Hajdarit në zgjedhjen e tij për të qenë pjesë e politikës. 

“Jam rritur me një frymë të djathtë. Që kur kam takuar Azem Hajdarin kam vendosur të merrem me politikë. Fare i vogël, e shifja. E kam vendosur kur kam parë Sali Berishën. Jam krenar për mbiemrin tim dhe se kam bezdi”, shprehet Klevis Balliu.

I ftuar në emisionin “Oktapod”, Balliu ka nxjerrë në pah edhe një sekret tjetër të tij, faktin se është pa eksperiencë.

“Do e kem problem, por më dukej vetja në vendin e duhur. Gjithë gjeneratat e kanë mirëpritur kandidimin tim dhe më kanë ndihmuar të kuptoj thellë se si janë krijuar problemet. Është e vërtetë që unë s’kam experience. Atje ka njerëz që kanë 27 vjet që merren me fushatë”, thotë ai.

Sa i përket procesit të listave ai thotë se pavarsisht se u çuan me vonesë në KQZ, gjobës për kuotat gjinore, tensioneve apo pakënaqësive, ai siguron se si lista, si procesi ishin mjaft serioze.

“Procesi i listave ishte shumë serioz dhe këtë gjë e di çdokush, të  majtë dhe të djathtë. Unë kisha shpresa. Përzgjedhja dhe procesi ishte serioz. Nuk bëhen listat me telefonata”, tha Balliu.

"Probleme me shqipen, gabime do bëj sërish"
Ndërkohë ai u ndal edhe tek gabimet e shumta ortografike që bën dhe mungesa e formimit sa i përket njohjes së gjuhës shqipe. Ai pranon se ka probleme të theksuara ma shqipen, ndërsa paralajmëron se gabime do bëjë edhe në të ardhmen.

“Unë bëj gabime ortografike dhe jam i bindur që do bëj në të ardhmen. Studimet e mija në Angli apo aq sa di unë, gjykohen. Sot shkruhet në telefon, është ndryshe të shkruash në kompiuter dhe ndryshe në telefon. Të harxhosh kohën se ç'a kam pirë unë”, nënvizoi Balliu.

"Pasioni im, të dehem në klubet e natës"
Djali i botuesit Fahri Balliu rrëfen edhe për pasionin e tij për t'u dehur në lokalet e natës.

“Kam qenë në Nusha Bar në Kembrixh, nëse do të kisha mundësinë të shkoja prap, do shkoja përsëri. Të them një gjë. Nëse janë lodhur me gjet foto kur isha 19 vjeç, mund t’i jap ca foto të tjera kur kam qenë 24 vjeç dhe kam qenë në lokal. Jam i ri, dhe kam bërë një jetë prej të riu.  Unë jam i mendimit që një i ri t’i bëjë të gjithë. Merren me mua nëse kam pirë ndonjë gotë vodka”, tha kandidati i PD-së për deputet i cili ka premtuar se më 26 qershor do të dalë nga liqeni i Pogradecit një diell me rreze demokratike.

Redaksia Online
l.q/Shqiptarja.com

TAG:
• kqz