Ambasadorja e SHBA në Tiranë Yuri Kim dhe kryeministri Edi Rama kanë reaguar për deklaratën e Xhelal Mziut i cili tha se të gjithë ata që janë të dyshuar për blerje votash do ta pësojnë si i ndjeri Pjerin Xhuvani në Elbasan, që u vra nga shoqëruesi i kreut të listës së Partisë Demokratike, Gazmend Bardhi, Arbër Paplekaj, i cili është pjesë e grupit që PD pretendon se ka ngritur për mbrojtjen e votës.
Kryeministri Edi Rama thotë se ndjesa e Xhelal Mziut nuk vlen asnjë qindarkë, ndërkohë që nënvizon se kush vjen në pushtet duke vrarë, dhunuar e kërcënuar edhe pushtetin e ushtron duke vrarë, dhunuar e kërcënuar. Po ashtu kreu i qeverisë i bëri thirrje popullit shqiptar që t'u tregojnë këtyre gangove me kravata dhe atyre që janë armatosur për të sjellë ndryshimin së prapthi në Shqipëri, se Shqipëria dhe shqiptarët nuk kthehen më mbrapsht.
Ndërkohë ambasadorja amerikane Yuri Kim, ndonëse e vlerësoi ndjesën e Mziut, theksoi se ngjarja e Elbasanit nuk duhet të përsëritet dhe ditët e grupeve të armatosura me logo partie i përkasin të shkuarës së shëmtuar. Ngjarja e Elbasanit sipas Kim duhet të bëjë që udhëheqësit të reflektojnë se si ata mund ta udhëheqin këtë rrugë të Shqipërisë nga e kaluara dhe drejt një të ardhmeje më të mirë.
“Mirë të shohësh ndjesë të qartë nga Dibra. Dhuna e shkaktuar Elbasanit këtë javë nuk mund të justifikohet, nuk duhet të përsëritet. Ditët e grupeve të armatosura që mbajnë logon e ndonjë partie politike dhe "patrullojnë" rrugët i përkasin të kaluarës - një e kaluar e shëmtuar që të gjithë duhet ta refuzojmë. Ky incident nuk duhet të përdoret për të sulmuar me egërsi njërën ose tjetrën palë, për të nxitur emocione në mes të mbështetësve. Përkundrazi, kjo duhet të bëjë që të gjithë udhëheqësit të reflektojnë se si ata mund ta udhëheqin këtë rrugë të shqipërisë nga e kaluara dhe drejt një të ardhmeje më të mire”, shtoi ajo.
Pasi organizoi dhe drejtoi një tjetër rast pengmarrjeje nga strukturat e armatosura të PD në Maqellarë, Mziu garantoi militantët se kushdo që është i dyshuar do ta pësojë njëlloj si ai i Elbasanit, duke iu referuar Xhuvanit, ndërsa paralajmëroi kështu se kjo ngjarje dhe mund të përsëritej. Por pasi kjo deklaratë u bë virale, ai e fshiu videon në rrjete sociale, madje kërkoi dhe ndjesë duke thënë atë deklaratë e ka bërë për shkak të emocioneve të momentit, duke theksuar se ai është kundër dhunës. Nga ana tjetër policia ka nisur një procedim penal për Xhelal Mziun, për veprën penale "Thirrjet për armatosje ose marrje të padrejtë të komandës".
Kryeministri Edi Rama ka thënë se ndjesa e Xhelal Mziut nuk vlen asnjë qindarkë, pas thirrjes së tij duke nxitur dhunë dhe duke garantuar qytetarët që të denoncojnë, pasi do të bëhet më keq se në Elbasan. Rama theksoi se kush vjen në pushte duke vrarë, dhunuar e kërcënuar edhe pushtetin e ushtron duke vrarë, dhunuar e kërcënuar. Po ashtu kreu i qeverisë i bëri thirrje popullit shqiptar që t'u tregojnë këtyre gangove me kravata dhe atyre që janë armatosur për të sjellë ndryshimin së prapthi në Shqipëri, se Shqipëria dhe shqiptarët nuk kthehen më mbrapsht.
'Ndjesa e këtij trogloditi nuk vlen asnjë qindarkë! Ky është një subjekt i vetëdeklaruar i drejtësisë penale, ndërsa kjo soj politike duhet të jetë subjekt i drejtësisë popullore në 25 prill!
Kush vjen në pushtet duke vrarë, dhunuar e kërcënuar edhe pushtetin e ushtron duke vrarë, dhunuar e kërcënuar!
Populli duhet t'u tregojë këtyre gangove me kravata dhe atyre që janë armatosur për të sjellë ndryshimin së prapthi në Shqipëri, se Shqipëria dhe shqiptarët nuk kthehen më mbrapsht!
Në 25 prill votohet për fëmijët që s'kanë të drejtë vote, por që asnjë borxh nuk u kanë prindërve të tyre kthimin e reve të zeza të së shkuarës mbi kokat e tyre!
Shqiptarë e shqiptare kudo që jeni!
Tregojeni me votën tuaj, forcën e madhe të karakterit që Shqipëria kërkon sot prej të gjithë ne, në rrugën drejt majës ku duhet të vazhdojmë të ngjitemi, për ta bërë Shqipërinë zonjën që Zoti deshi, kur i fali bujarisht bukuritë e saj përrallore.'-shkruan Rama.
Komente
Lajme të tjera
-
Mbyllja e TikTok në Shqipëri/ The Telegraph: Ndalimi i parë i këtij lloji në Europë
23 Dhjetor, 08:18 -
Ndalimi i Tik Tok-ut, Rama i përgjigjet kompanisë kineze: Në Shqipëri vendosin shqiptarët jo pronarët e algoritmit! S' ka pse kërkon sqarime, mbrojmë fëmijët
22 Dhjetor, 17:12 -
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
AKSK: Nisim procesin tekniko-ligjor për bllokimin e TikTok
22 Dhjetor, 08:41 -
Mbyllja e TikTok për 1 vit, gazetarja amerikane: Shqipëria e ndaloi sepse po dëmton fëmijët, duhet vetëm vullnet politik
22 Dhjetor, 07:58 -
Shqipëria mbyll TikTok për 1 vit, reagon kompania kineze: Presim sqarime urgjente! 2 adoleshentët s'kishin llogari tek ne! Rama: E duan 90% e prindërve
22 Dhjetor, 06:59 -
Lezha si asnjëherë tjetër për fundvitin, Rama: Aty ku simboli i Betlehemit është ngritur për herë të parë, pranë ‘Fshatit të festave’ (VIDEO)
21 Dhjetor, 21:59 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Mediat ndërkombëtare jehonë lajmit për mbylljen e TikTok në Shqipëri
21 Dhjetor, 19:10 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36
Pse Ambasadoret duhet te takohen me Ilir M... Duket sheshit qe ai do rremuja dhe me kete te faktorizohet. Ky hajdut duhet te jete mbas hekurave.
PërgjigjuMziu te ben deklarate tjeter neser dhe vepron sipas videos.Nuk e kane problem keto mostra,prandaj ligji duhet te zbatohet urgjentisht
PërgjigjuNuk e kuptoj pse Amerika dhe Europa nuk e deklarojne PD-en dhe Lsi-n organizata terroriste?E cuditshme.
Përgjigju