TIRANË- Presidenti i vendit, Ilir Meta, ka dalë në këtë ditë të heshtjes zgjedhore në një konferencë për shyp. Duke shkelur në mënyrë flagrante ligjin Meta ka dhënë deklarata politike nga Presidenca.
Që në fillim të fjalimit Presidenti tha se ka besim te të gjithë qytetarët e Shqipërisë se do të tregojnë se janë patriotë dhe e duan vendin e tyre në ditën e votimit, duke i bërë thirrje qartazi politike.
Madje Presidenti thotë se do të jetë në detyrë për të garantuar ndërrimin e pushtetit, duke apeluar për votën në njërin krah politik.
"Do të jem në këtë detyrë edhe të hënën, edhe të martën për të garantuar vazhdimësinë e shtetit dhe ndërrimin e pushtetit", tha Meta.
Për këtë arsye Report Tv ka vendosur që në respekt të heshtjes zgjedhore dhe etikës profesionale të ndërpresë transmetimin e fjalimit të Metës nga institucioni i kreut të shtetit.
Meta nuk u mjaftua me cekjen e çështjeve politike, por bëri edhe premtime elektorale duke thënë se administrata publike pas ndërrimit të pushtetit sipas tij nuk do të pësojë asgjë por do vazhdojë punën pavarësisht bindjeve politike. Apo që edhe se pas 25 prillit vendi do ecë përpara drejt Bashkimit Evropian.
Pak minuta më vonë, ai doli sërish në një dalje të dytë për mediat ku akuzoi Prokurorinë e Elbasanit se po zvarrit procesin e hetimeve për vrasjen e Pjerin Xhuvanit, duke iu drejtuar 5 pyetje prokurorit të çështjes, Kreshnik Ajazi. Një prej tyre është edhe fakti që përse Sekretari i Përgjithshëm i PD-së, Gazment Bardhi është thirrur në Prokurori në 30 prill, pra 5 ditë pas zgjedhjeve.
Kujtojmë se kjo dalje e Metës vjen pasi dje ishte protagonisti i përplasjes më të madhe që ka pasur ndonjëherë një kryetar shteti i Shqipërisë me Shtetet e Bashkuara të Amerikës. Dënimi i ashpër dhe mesazhi i qartë që ambasadorja Yuri Kim i bëri deklaratës së Ilir Metës "për të mprehur sfurqe dhe sëpata për mbrojtjen e votës" ka nxjerrë jashtë çdo kontrolli kreun e shtetit, i cili shpërtheu në kërcënime ndaj SHBA dhe ambasadores Kim.
Ndonëse heshtje zgjedhore, Presidenti Ilir Meta vijon me mesazhet e tij politike. Me një postim në Facebook, Meta thotë se pas zgjedhjeve, nuk do të hetohen vetëm krimet zgjedhore, por edhe mos-hetimi i krimeve zgjedhore dhe policore para datës së zgjedhjeve.
"Të dashur qytetarë, pas zgjedhjeve nuk do të hetohen vetëm të tëra krimet zgjedhore por në veçanti do të hetohet mos-hetimi i krimeve zgjedhore dhe policore para datës së zgjedhjeve. Asnjë sekondë për të humbur për dekurajimin dhe parandalimin e krimeve të reja. Nesër do të jetë Festa e Demokracisë!", shkruan Meta.
Presidenti Ilir Meta ka vijuar sot akuzat në drejtim të ambasadores së SHBA-së në Tiranë, Yuri Kim. Ai ka ripërsëritur deklaratën e mbrëmshme duke e akuzuar atë se mbron interesa serbe.
“Kam respekt për partnerët ndërkombëtarë dhe të palëkundur të SHBA dhe i dua se na kanë frymëzuar për liri demokraci dhe jam angazhuar për integrimin e vendit në BE . Shqipëria nuk do të bëhet gazi i botës nesër, se shqiptarët me qytetari do ikin të votojnë për Shqipërinë e Shqiptarëve, nuk impresionohet presidenti nga lobistë që flasin anglisht dhe mendojnë serbisht. Se doli dhe presidenti serb e ndërhyri në zgjedhjet në Shqipëri, duke thënë se sondazhet tregojnë që partitë janë aty aty dhe rrezikon të vijë në pushtet Doktori me Bashën. Shqipëria do të jetë e shqiptarëve”, tha Meta.
Komente
Lajme të tjera
-
INTERVISTA/ Arrestimet e ‘5D’ Rama për Report Tv: SPAK le t’i nxjerrë ujin e zi korrupsionit! 'Emisioni i RAI3', Kryeministri: Shqipëria u sulmua me duart e italianëve, malli nga Tirana
24 Prill, 14:25 -
Konventa e Partisë së Lirisë, Ilir Metës i del rivali në garën për president
24 Prill, 13:54 -
Basha akuza Metës: Pazarxhi kronik, nxitësi kryesor i djegies së mandateve! Xhaçka sërish në Kushtetuese? Shërbim ndaj Ramës! Begaj të shpërndante Kuvendin
24 Prill, 11:22 -
Meta e nis ditën vrullshëm, bën palestër me pesha të rënda dhe premton: 4 milionë shqiptarë plus
24 Prill, 08:47 -
Lufta poshtë brezit për dominimin e opozitës
23 Prill, 22:08
-
Mero Baze: Intifada e Ilir Metës kundër SPAK
23 Prill, 22:02
-
Meta në 'betejë' me SPAK, gazetari në 'Repolitix': I ka kallur datën! Galdini: Po bëhet drejtësi e negociuar
23 Prill, 21:39 -
‘Prokuroria, gjykatat ishin të korruptuara’, Ngjela: SPAK arritje e madhe! Meta sulmon Dumanin se kërkon mbrojtje publike, ka humbur ekuilibrin
23 Prill, 19:49 -
'Sufllaqe nga qielli nuk bien më', Meta: Kush ka mendim ndryshe le të ngjitet në një paralele më të gjatë se ajo që hipa unë
23 Prill, 19:43 -
Jakin Marena: Meta ‘heq’ dorë nga Monika, ‘josh’ pa dobi Berishën dhe ‘nyja’ Argita
23 Prill, 19:10
-
Tradhtar i Ilir Metës? Braimllari në 'Frontline Interview' zbulon kulisat brenda partisë: Nëse ndalon me statut nepotizmin bën ligj anti-Monika
23 Prill, 18:51 -
Avokat Beqiri: Berisha po lobon për të hequr arrestin, pazaret bëhen në Milano! Në dispozicion 1 miliardë dollarë! I përfshirë edhe Meta
23 Prill, 18:27
Hallall jeni TV per Tu mar shembull. Te till legena monstra te mbetura nga e shkuara duhen bojkotuar. Ligji eshte I barabart per te gjith po keta qener I kan shkelur me te dyja kembet prandaj eshte per lesh ky vend nga 30 vjet.
PërgjigjuLike Hajduti Pordhaci
PërgjigjuIlir Metmuti hajduti.
PërgjigjuBravo Report TV. Kte te kishit ber sa here ai mbante ane politike
PërgjigjuReport TV eshte i vetmi televizion i Pavarur ne shqiperi.