TIRANË- Banorët e Astirit janë të vendosur që të mos lejojnë shembjen e shtëpive të tyre. Ato shprehen se kanë marrë informacione se IKMT do të nisë shembjen e banesave rreth orës 4:00-5:00 të mëngjesit dhe për këtë arsye kanë vendosur që të flenë jashtë në mënyrë që të mos "gjenden të papërgatitur" dhe sapo të shikojnë lëvizjen më të vogël të mobilizohen që t'i ndalojnë.

Ndërkohë, burime pranë policisë nuk konfirmojnë se u është dhënë një orar i caktuar se kur do të nisë shembja e banesave.

Ato sot kanë marrë njoftimin e fundit që duhet të lënë shtëpinë, por e kanë kundërshtuar sërish duke bërë rezistencë, me argumentin se projekti i Unazës së Re është i korruptuar. Madje, sot banorët i kanë dërguar një letër të ngarkuarës me pune, Leyla Moses ku i kërkojnë që të ndërhyjë dhe të ndalojë shembjen e këtyre banzesave.

Prej më se një viti, ato kanë protestuar kundër këtij projekti që parashikon zgjerimin e rrugës, për pasojë shembjen e banesave të tyre.