POP 5

Lajmet më të lexuara të 5 minutave të fundit

Politikë

Do të jetë kryetarja e re e Parlamentit, flet për herë të parë Lindita Nikolla: Klimë pozitive në Kuvend, do t'i krijoj hapësira opozitës

Pasi Kryeministri Rama e ka propozuar si kryetaren e re të Kuvendit, ish-ministrja Lindita Nikolla ka folur për herë të parë për mediat. Ajo është shfaqur e emocionuar në një prononcim për mediat nga Pallati i Kongreseve.

Pasi Kryeministri Rama e ka propozuar si kryetaren e re të Kuvendit, ish-ministrja Lindita Nikolla ka folur për herë të parë për mediat. Ajo është shfaqur e emocionuar në një prononcim për mediat nga Pallati i Kongreseve.

Ajo premtoi klimë pozitive dhe hapësira për opozitën në Kuvend.

 ‘’Do punoj me përkushtim për respektimin e rregullores, për krijimin e një klime pozitive në Parlament, për krijimin e hapësirave për opozitën. E mbushur me përgjegjshmëri për të përmbushur pritshmëritë e kryetarit të PS për zgjedhjen time.’’- tha Nikolla.

Kush është Lindita Nikolla

Znj. Lindita Nikolla lindi në Tiranë, më 22 Tetor 1965. Ajo është e martuar me Z. Ligor Nikolla dhe ka një vajzë që quhet Livia. Znj. Nikolla, në korrik 2010 ka kryer studimet Master në Administrim Publik, drejtimi Pushtet Ekzekutiv, pranë Albanian University dhe në vitin 1989 ka përfunduar studimet universitare pranë Fakultetit të Shkencave të Natyrës, dega  Matematikë, Universiteti i Tiranës. Ajo ka hyrë në politikë në vitin 2003. Gjatë viteve 2003–2006 është zgjedhur si Këshilltare e Këshillit të Njësisë Bashkiake Nr.1, Tiranë. Është zgjedhur për dy mandate në periudhën 2007-2011 dhe 2011-2013, Kryetare e Njësisë Bashkiake Nr.1 Tiranë. Në zgjedhjet e 23 Qershorit 2013, zgjidhet deputete e qarkut të Tiranës. Ajo ka qenë më parë në postin e ministres së Arsimit nga shtatori i vitit 2013 deri në tetor të vitit 2018.

Nga shtatori i vitit 2007, znj. Nikolla është anëtare e Kryesisë së Partisë Socialiste. Në vitin 2006 ka përfunduar Akademinë për Udhëheqësi dhe Reformë pranë Institutit për Demokraci dhe Ndërmjetësim (NDI) në Tiranë dhe në qershor të vitit 2008 ka kryer Akademinë mbi Policimin Komunitar dhe Qeverisjen Vendore në Universitetin e Pitsburgut, SHBA. Znj. Nikolla ka kryer gjithashtu një sërë kualifikimesh në menaxhimin e shkollës dhe mësimdhënien e matematikës, si dhe për fuqizimin e gruas në vendimmarrje. Znj. Nikolla zotëron gjuhën angleze dhe njeh gjuhën frënge e atë italiane.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Papagalli: 02/09/2021 13:19

    Kush eshte Lindita Nikolla ajo qe u lye nga studentet me boje te kuqe ne surrat?

    Përgjigju
  • Krietarja: 02/09/2021 12:13

    Kuvendi nuk eshte matamatike,por ligje, sa per hapesirat per opoziten,nuk ke kellqe te merresh me ata,se atje ka juriste te zot,qe do te bejne te qash,apo te pelqen kariera politike,se ne arsim e "ndrite" me UFO-n. Per hajer,kusur parukieret qe do te stolisin ty,sa here te dalesh ne seanca plenare. Amanet gollot e tu,t'u hapesh vendet e punes,se ata jane si ajo gjeja me ere qe te ngjitet poshte kepuces.

    Përgjigju
  • Sondazhi i ditës:

    A besoni se do realizohet vota e diasporës për zgjedhjet e ardhshme?

Lajme të tjera



×

Lajmi i fundit

Vendosi 100 mijë paund baste, Sandro Tonali dënohet sërish

Vendosi 100 mijë paund baste, Sandro Tonali dënohet sërish

3 Maj, 16:58