Presidenti i entitetit të Republikës Srpska, Millorad Dodik, ka thënë të mërkurën se do t’ia ndalojë hyrjen në entitetin serb të Bosnjës dhe Hercegovinës përfaqësuesit të lartë të Komunitetit Ndërkombëtar në Bosnjë, Christian Schmidt. Schmidt është një politikan gjerman që shërben si Përfaqësues i Lartë për Bosnjë dhe Hercegovinën që nga gushti 2021.
Njoftimi i tij vjen vetëm pak kohë pasi prokurorët ngrenë padi ndaj Dodikut për kalimin e ligjeve që do t’ua mundësojë entitetit serb të Bosnjës – i njohur si Republika Sërpska – anashkalimin apo injorimin e vendimeve të përfaqësuesit të lartë në Bosnjë dhe të Gjykatës Kushtetuese.
“Ne nuk e respektojmë Schmidtin”, tha Dodik para mediave në Banja Llukë, kryeqytetin e Republikës Srpska.
“Që nga mëngjesi i sotëm, jemi duke e përpunuar një dekret për mënyrën se si ta kthejmë atë mbrapshtë, dhe se si ta arrestojmë nëse ai vjen këtu”, shtoi Dodik.
Schmidt është i ngarkuar me detyrë për t’i mbikëqyrur aspektet civile të Marrëveshjes së Dejtonit, e cila i dha fund luftës së përgjakshme të Bosnjës në vitet ’90.
Si përfaqësues ndërkombëtar, Schmidt ka pushtet të madh, përfshirë mundësinë për t’i shkarkuar zyrtarët e emëruar dhe për të vendosur ligje.
Dodiku, megjithatë, nuk ka pranuar ta njohë autoritetin e Schmidit, qëkur ky post e humbi mbështetjen e Kombeve të Bashkuara falë një intervenimi nga Rusia dhe Pekini.
Vendimi i fundit vjen pas disa muajve tensionesh së rritura në vendin e Ballkanit, pasi Dodiku nënshkroi legjislacionin kontroverse këtë verë.
Në korrik, Schmidt i shfuqizoi të dy ligjet e nënshkruara nga Dodiku./REL
Lajme të tjera
-
Lideri prorus i Repulbika Sërpska, Dodik takohet me Putin në samitin e BRICS në Kazan
25 Tetor, 11:13 -
KE i kërkoi regjimin e vizave, Dodik: Republika Srpska nuk do t’i bashkohet kurrë sanksioneve kundër Rusisë!
24 Tetor, 17:15 -
Ylli Pata: A mund të jetë Sali Berisha një Milorad Dodik që të negociojë me SHBA?
20 Shtator, 08:49
-
SHBA sanksionon rrjetin që rriti pasurinë e Millorad Dodikut
18 Qershor, 16:52 -
Republika Sërpska ofron marrëveshje për 'ndarje paqësore' në Bosnje dhe Hercegovinë
23 Maj, 15:36 -
Sinjale alarmi nga Ballkani, duhen përgatitje për skenarin më të keq
5 Maj, 09:52 -
Të padëshiruarit e perëndimit, Orban dhe Dodik takohen në Banja Luka
6 Prill, 11:58 -
Dodik në Mal të Zi, protesta kundër ‘të dërguarit të Putinit’
27 Shkurt, 22:57 -
A do të arrestohet Dodiku pas 'shfaqjes' së fundit?
11 Janar, 07:47 -
Dita e Republikës SRPSKA, paradë me rreth 3 mijë pjesëmarrës! Dodik: Në Srebrenicë s'pati Gjenocid, SHBA do të na përçajë
9 Janar, 14:15 -
Dodik emëron Vulin senator të Republikës Srpska
27 Dhjetor 2023, 14:41 -
Deklarata e Dodik se Kosova dhe Mali i Zi duhet t'i bashkohen 'Serbisë së Madhe', Rama: E rrezikshme! I befasuar që partnerët tanë në BE s’kanë reaguar
31 Tetor 2023, 17:38
