Tirane- Partia Demokratike nuk është e penduar për aktet e dhunës, shishet me bezninë në kuvend. Madje as nuk ka reflektuar pas apelit të ndërkombëtarëve por do të vijojë aktet e 'luftës' me maxhorancën brenda në Kuvend.
Vendimi duket që është marrë në mbledhjen e sotme të grupit parlamentar të PD-së, dhe u bë i njohur nga kreu i këtij grupi Gazment Bardhi për gazetarët pas mbledhjes.
E ndërsa në orën 15:00 Sekretariati i Etikës i Kuvendit do të mblidhet për të vendosur për kërkesën e PS-së për përjashtimin nga parlamenti të 24 deputetëve të PD-së, Bardhi i quan 'spontane dhe të nxitura nga maxhoranca' veprimet në seancën e 30 shtatorit 2024 në parlament. Pikërisht në këtë seancë në një aksion të nxitur pas dënimit të Salianjit, demokratët rikthyen kaosin në Kuvend. Flamur Noka dhe Bledion Nallbati dogjën me bezninë karriget në oborr, ndërsa Gazment Bardhi qëlloi drejt kryetares së Kuvendit me sende të forta. Sende të forta u hodhën dhe drejt ministrave.
Edhe kallëzimin e Policisë në SPAK për 23 deputetë të opozitës për shkatërrim prone në këtë seancë, Bardhi e quan të tepërt.
“Pjesa dërrmuese e reagimeve tona janë spontane dhe të momentit të diktuara nga sjellet e maxhorancës. Të akuzosh deputetët e opozitës se kanë kryer krime ndërkohë që ne akuzohemi se kemi djegur karrigen. Karrigia është mjeti jonë i punës e shumta është dëmshpërblimi nga paga e tyre. Cfarë bëjnë deputetët me mjetet e tyre të punës është përgjegjësi e tyre” tha Bardhi sot pas mbledhjes së grupit
Kundërshtimet do i prezantojë dhe në mbledhjen që pritet të nisë në orën 15:00
"PD patjetër që do të jetë në mbledhjen e sekretariatit të orës 15:00 si formë e mosdakordësisë tonë për këtë përshkallëzim që PS është duke i bërë grupit parlamentar të PD-së. Të përjashtosh opozitën nga kuvendi, të burgosësh opozitën për fjalën e lirë dhe të tentosh të asgjësosh opozitën, e kam thënë dhe më parë është shpallje lufte ndaj PD-së e opozitës në tërësi"
Lufta vazhdon
Ndërkohë Partia Demokratike duket se nuk do të heqë dorë nga aksioni i saj i mosbindjes civile. Kreu i grupit parlamentar të PD-së, Gazment Bardhi deklaroi se edhe nesër do të bëjnë gjithcka që seanca e kuvendit të mos ketë një zhvillim normal.
“Sa i takon seancës së nesërme grupi ka vendosur të bëjë gjithçka për të mos lejuar normalitet në seancën e nesërme" tha Bardhi.
Pyetje: Do digjni karriget sërish?
Gazment Bardhi: Tani strategjitë se cfarë do të bëjmë do ti mësoni aty. Mos prisni detaje nga reagimi i opozitës.
Për PD-në ngjarjet e dhunshme të seancës së 30 shtatorit 2024 ishin për përfaqësuesit e opozitës një reagim ndaj shumicës socialiste, dhe kryeministrit Edi Rama të cilin ajo e bën përgjegjës për vendimin e formës së pretë të Gjykatës së Apelit të Tiranës që e cila dënoi me 1 vit burgim, deputetin demokrat Ervin Salianji, nën akuzën e “kallzimit të rremë”.
Komente
Lajme të tjera
-
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Ministrja e Kurtit sulmon Ramën pas fjalimit në Kuvend! I përvishen shqiptarët e Kosovës: Si nuk ke turp?!
21 Dhjetor, 09:56 -
Mbledhja e Kuvendeve Kosovë-Shqipëri, Kreshnik Çollaku: Ngjarje pozitive! Rama provokoi, bëri fushatë kundër Kurtit
20 Dhjetor, 17:44 -
Deklarata e përbashkët e Kuvendeve Kosovë-Shqipëri: Dënohen sulmet në veri, thirrje Serbisë t’i dorëzojë autorët
20 Dhjetor, 16:58 -
Shqipëri-Kosovë një Kuvend, Rama: Pezmatimi i aleatëve po pengon! 'Ngrini' dialogun me Serbinë, normalizimin synojeni me BE! Osmani: Të unifikojmë politikën e jashtme
20 Dhjetor, 07:28 -
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16 -
Dështon seanca e pajtimit mes Gazment Bardhit dhe ish-kryepolicit të Shkodrës
19 Dhjetor, 13:03
-
Kuvend/ Falja e gjobave, Bardhi akuzon Spiropalin dhe PS: Jeni në shkelje të Kushtetutës dhe ligjit, ka efekte financiare, duhen diskutime sipas afatit
19 Dhjetor, 10:50 -
Përplasje në Kuvend, 'mollë sherri' Bashkim Ulaj dhe interpelanca me Ballukun! Shehaj bllokon 4 orë foltoren, Spiropali e përjashtoi, Noka e shtyn me forcë
19 Dhjetor, 08:07 -
Shqipëria dhe Kosova mbledhje të përbashkët Kuvendi më 20 dhjetor në Prishtinë, axhenda! Nga Rama te Kurti, ja politikanët që do mbajnë fjalime
18 Dhjetor, 17:03 -
Spiropali pret anëtarët e Këshillit Koordinues të Diasporës: Diskutuam mbi mundësinë e votimit në zgjedhje! Mësimi i gjuhës shqipe nga fëmijët
18 Dhjetor, 12:40
Ju lutem mos organizoni somdazhe, pasi grupi i qafirëve të "non-gratave" janë organizuar që të manipulojnë rezultatet.
PërgjigjuParate e agjentures serbo-greko-ruse duhet te shpenzohen deri ne fund te vitit.
PërgjigjuÇ'farë pret drejtësia për këto banditë që të marin kallashnikollët në parlament dhe të sulmojë Parlamentin!
PërgjigjuSi spontane ishte sulmi ndaj kryeparlamentares më shufra hekuri mo bq!Kryeparlamentarja e mirë e keqe duhet respektuar por jo ta goditurnë kryerje e detyrës së saja o vrastarë. Zonja Spiropali duhet ta denoncojë në SPAK,për goditje për shkak të detyrës.
Përgjigju